牛気 (如心廣場二期)

营业中

休息中

book咗五点半傍晚，全间店只得两三枱客 接待员姐姐安排一张二人对座枱。 我同我朋友两位每人带咗一个背囊，冇位摆嘢好唔方便，个场咁少人，咁我问𠮶位姐姐可唔可以畀我坐四人卡位，跟住佢话唔好意思，啲四人卡位留咗畀嚟紧嘅客人。 我答佢我七点前都走 可唔可以通融一下 佢话真系唔好意思冇办法 咁我都算数 谂住佢哋生意好，唔做西客。两个人张枱细食嘢已经好唔方便 ，点知唔到十分钟，接待姐姐就安排另外两个人坐张四人卡位度，完全系大细超，而且直到我食完埋单𠮶一刻，成个场有一半都仲未有人坐。要我坐咁细嘅枱 ，又唔多啲嚟帮手执碟，由得我成张枱都系，成班女侍应就喺度围住个带lv皮带经理吹水唔做嘢。真系不知所谓， 唔肯转枱都冇理由喺我面前即刻入2人客去4人卡位，仲要呃我话好多人book咗， 食到咁委屈唯有将事实写出黎。嘢食质素就一般，咁嘅服务我就冇意欲再去。