喜鳳冰室

营业中

休息中

地点比较隔涉、环境简陋、地方细座位少，胜在分隔得远，算舒服。茶餐厅或冰室一般嘅服务态度，相信大家大概知道，唔好期望依度店员姨姨会有礼貌咁同你讲多两句，或者送你一个笑容。（比钱个阵有讲多谢嘅～)食物方面 - 早餐仿鲍丝火腿汤米跟餐炒蛋多士：汤底应该用味精嘅，估唔到有少少鸡味，偏咸。鲍丝火腿份量适中，加条菜心扮健康调下色，几有趣。米粉够多，但好似就咁用滚水焯熟就上碗嘅半生粉，整体味道唔好幻想系好食。多士系一朝早烘完，隔咗几个钟滩冻变湿淋包，食海棉一样。炒蛋面层有丁点蛋浆流出，但中间系实心炒老蛋，唔热唔冻之间。厨师完全无落盐去炒，食到蛋香味加少少过火煎香味，都唔知话佢好食定难食。感觉奇怪。总结：赶时间快食最佳选择，快落单即上，3分钟到餐。不过，好唔好食就因人而异。