富豪坊

营业中

休息中

知道换左大厨，特登走嚟试下菜...本身做紧优惠，有个set每位$269，有好多道菜，菜式也不差，但无奈我有两位老人家胃口比较细，所以叫左普通既dinner set，有2款前菜，1款汤，3款主菜，1款饭/粉，甜品...（原谅我未能提供完整的菜式名）前菜：冰镇芭乐味道酸酸甜甜（应该系用醋+蜜糖），几开胃，估唔到芭乐都有咁既整法葱花卷开头以为系类似包既点心，原来系炸既，样子似好油，但食落一啲都唔油腻，好好食！汤：海鲜酸辣羹依个真系不得不赞，好足料！酸辣味调控得好好，唔会太酸太辣，赞主菜：炸子鸡本来系要古法烧鸡，但售罄，所以转左炸子鸡，但都不错，鸡肉都嫩滑，皮都够脆白玉酿珍菌卖相一流，心型既萝白，上菜果刻，我仲以为系隔离台，咁靓！但可能蒸得太短时间，珍菌的味道没有渗入萝白中龙虾汁蛋白蒸班球班球一啲都唔腥，龙虾味道又无抢左班球的鲜味，蛋白加上龙虾汁一流我地简左伊面，并不是传统果只伊面，这款比较幼身，似公仔面既质感，但抄得不太油同干身，味道不差甜品系红豆沙加马蹄露，红豆沙不太甜，马蹄露就比较甜了一点。