麵麵俱到

营业中

休息中

今日一个人周街行，入左嚟元朗，行到嚟鸡地见到呢间新开既小店「面面俱到」，咁岩又有啲饿就入去试吓。入到去就系一啲和风既布置。小弟就叫左个「酱油慢煮猪软骨配脆脆猪皮豚骨汤面，唐扬炸鸡套餐」，Menu上写住有得拣赞岐乌冬/香港传统手工蛋面，咁就拣左手工面，当然要支持一吓本土既手工面啦！啲野食嚟到，首先系个唐扬炸鸡，咬落去肉质juicy 又唔鞋，少少辣几野味。到主角酱油慢煮猪软骨配脆脆猪皮豚骨汤面，一嚟就试左啖汤先，个汤一入口厚实有质感，唔似系一般开水猪骨汤咁，汤底系有心机既。👍🏽跟住就试个面，夹起果阵好有份量，咬落口感弹牙唔会好淋，呢个香港传统手工面要赞👍🏽👍🏽脆脆猪皮建议浸落个汤度，等佢吸番啲汤，有少少淋咁食，食落口有啲似猪油渣咁。而个慢软猪软骨一定要大推，用酱油慢煮，够入味又够淋又唔会一夹就散，最重要都几大旧。食完整体嚟讲系值得再番食，走既时候咁岩老板行左出嚟，同佢吹左两句，同佢讲个手工面好正，听佢讲番话系面厂造既传统手工竹升面，唔怪得个面咁有口感同弹牙啦⋯⋯呢餐$82蚊，个套餐有野饮有小食，价钱都合理，下次再入嚟元朗会再嚟食过，支持一下有心既小店。