影片
更多
2023-02-06
1784 浏览
寻晚去咗湾仔嘅荟景食自助晚餐，荟景位于会展中心内，由地铁出口行到过嚟全程都系室内，位置十分方便唔洗日晒雨淋，因为我哋食嘅系30/12，所以主题系环宇盛宴节日自助餐✔️一入到去就好惊讶个空间可以大到咁，枱同枱之间嘅空间好阔落，坐得好舒服，外面嘅景色对住一片维多利亚港，如果坐正窗口位，一边望住窗外景色，一边叹美食真系人生一大乐事🔮出面嘅饮食地带一样都好大～我都要行咗一阵先至行得完成个area😂而拎嘢食嘅空间亦好充足，唔会出现人迫人嘅情况。食物款式极多，有沙律、寿司、各款时令海鲜冻盘 (例如生蚝、蟹脚、龙虾等)、刺身 (赤虾、三文鱼、吞拿鱼、八爪鱼等)、厨师秘制热熏 (羊扒、牛扒、煎大虾、串烧、炸物、各式咖哩等)、小朋友最爱嘅食物例如迷你汉堡、薄饼、炸薯条鸡块等，另外亦有即制意粉及是日粉面（当日系猪肉汤米粉) 特色甜品嘅种类亦极多，有蛋糕、雪糕、挞类、曲奇、奶冻，仲有鸡蛋仔同木瓜雪耳糖水，好有惊喜✨作为一个汤怪好中意佢哋嘅西汤同中汤，一样咁好味🙆 当日嘅西汤系杂菜汤💯酸味较重入面有秋葵，好啱我胃口，饮完一碗即刻开胃番；而中汤好有老火感觉，我饮咗两碗😋 个人觉得佢哋个饮品吧值得一赞，有各式罐装饮
寻晚去咗湾仔嘅荟景食自助晚餐，荟景位于会展中心内，由地铁出口行到过嚟全程都系室内，位置十分方便唔洗日晒雨淋，因为我哋食嘅系30/12，所以主题系环宇盛宴节日自助餐✔️一入到去就好惊讶个空间可以大到咁，枱同枱之间嘅空间好阔落，坐得好舒服，外面嘅景色对住一片维多利亚港，如果坐正窗口位，一边望住窗外景色，一边叹美食真系人生一大乐事🔮
出面嘅饮食地带一样都好大～我都要行咗一阵先至行得完成个area😂而拎嘢食嘅空间亦好充足，唔会出现人迫人嘅情况。食物款式极多，有沙律、寿司、各款时令海鲜冻盘 (例如生蚝、蟹脚、龙虾等)、刺身 (赤虾、三文鱼、吞拿鱼、八爪鱼等)、厨师秘制热熏 (羊扒、牛扒、煎大虾、串烧、炸物、各式咖哩等)、小朋友最爱嘅食物例如迷你汉堡、薄饼、炸薯条鸡块等，另外亦有即制意粉及是日粉面（当日系猪肉汤米粉) 特色甜品嘅种类亦极多，有蛋糕、雪糕、挞类、曲奇、奶冻，仲有鸡蛋仔同木瓜雪耳糖水，好有惊喜✨作为一个汤怪好中意佢哋嘅西汤同中汤，一样咁好味🙆 当日嘅西汤系杂菜汤💯酸味较重入面有秋葵，好啱我胃口，饮完一碗即刻开胃番；而中汤好有老火感觉，我饮咗两碗😋 个人觉得佢哋个饮品吧值得一赞，有各式罐装饮品、咖啡、茶、果汁，仲有红白餐酒都系免费无限畅饮🎉
另外好钟意佢哋有一个专门嘅碟子摆放餐具，卫生干净又整齐。荟景俾我嘅印象就系食物款式系！极！多！不能尽录，讲真好少自助餐可食到尾都仲可以食紧一啲新嘅嘢，因为实在太多花款了😆荟景就比到呢种体验我了！
张贴
