影片
更多
2022-03-13
1199 浏览
今日想同大家介绍一间充满欧陆格调嘅连锁西餐厅—— Simply life bakery cafe👍🏼餐厅于九龙塘，沙田，九龙湾，金钟等地方设有分店，而我地今次到访嘅系九龙塘又一城嘅分店。🌟餐厅地方阔落，枱与枱之间足够宽敞，枱上更设有蜡烛灯，感觉非常舒适。💁🏻♀️前菜：面包+蘑菇汤/沙拉呢间餐厅嘅面包都几出名，餐厅近门口位置有个小型bakery售卖各色各样嘅西式面包。堂食方面，面包嘅摆盘精致，一共有3款法包，当日侍应比左soda bread, multigrain bread同white bread，面包口感偏硬，可涂上牛油食，亦可问侍应拎油醋沾黎食(prefer后者，我地比较中意食酸酸地嘅面包，几开胃👍🏼)至于忌廉蘑菇汤非常足料，超级浓郁，淡淡蘑菇粒。沙拉更有惊喜，除左普通沙拉菜外仲有水果，味道清香鲜甜。🍊💁🏻♀️山羊芝士黄菌菠菜有机糙米饭 $118香浓嘅羊奶芝士，加上质感粗糙嘅糙米饭，成个配搭好harmony！虽然系芝士饭，但米饭仍能保持粒粒分明，仲好有咬感，值得一赞！即使份量唔算多，都建议2-3个人share一份，以防食得太济。至于味道就见仁见智，中意羊骚味嘅朋友应该会几中意，反
今日想同大家介绍一间充满欧陆格调嘅连锁西餐厅—— Simply life bakery cafe👍🏼餐厅于九龙塘，沙田，九龙湾，金钟等地方设有分店，而我地今次到访嘅系九龙塘又一城嘅分店。
🌟餐厅地方阔落，枱与枱之间足够宽敞，枱上更设有蜡烛灯，感觉非常舒适。
💁🏻♀️前菜：面包+蘑菇汤/沙拉
呢间餐厅嘅面包都几出名，餐厅近门口位置有个小型bakery售卖各色各样嘅西式面包。堂食方面，面包嘅摆盘精致，一共有3款法包，当日侍应比左soda bread, multigrain bread同white bread，面包口感偏硬，可涂上牛油食，亦可问侍应拎油醋沾黎食(prefer后者，我地比较中意食酸酸地嘅面包，几开胃👍🏼)至于忌廉蘑菇汤非常足料，超级浓郁，淡淡蘑菇粒。沙拉更有惊喜，除左普通沙拉菜外仲有水果，味道清香鲜甜。🍊
💁🏻♀️山羊芝士黄菌菠菜有机糙米饭 $118
香浓嘅羊奶芝士，加上质感粗糙嘅糙米饭，成个配搭好harmony！虽然系芝士饭，但米饭仍能保持粒粒分明，仲好有咬感，值得一赞！即使份量唔算多，都建议2-3个人share一份，以防食得太济。至于味道就见仁见智，中意羊骚味嘅朋友应该会几中意，反之会觉得麻麻地。
💁🏻♀️车厘茄蕃茄酱蟹肉手制扭纹粉 $138
异于系香港食开嘅扭扭粉，呢款手工扭纹粉嘅size较大，意粉味较重，硬度比得上义大利当地人人食开嘅意粉，质感并非所有人都能接受，但小编几中意食结实带嚼劲(Al dente)嘅意粉。😆意粉上有巨量蟹肉，味道鲜甜。意粉酱汁非常出色，番茄酱汁虽少，其酸甜味却突出，更冇掩盖到蟹肉同意粉嘅味道，令整到菜嘅味道层次更上一层楼👍🏼
💁🏻♀️ 哥达芝士大蘑菇鸡肉汉堡 $125
面包(top layer)涂上一层薄薄嘅牛油同少量芝麻烘，味道挺香，外层偏脆内里松软。鸡排肉质扎实，但肉汁较少。反而大蘑菇偏juicy，同一大片半溶哥达芝士几match。整体而言，材料配搭唔错，汉堡酱汁偏少令每款材料嘅味突出👍🏼另外薯条非常香脆，餐厅将鼠尾草放落炸炉一齐炸，沾上蛋黄酱食，令人难以停口！
😆 间餐厅嘅食物味道偏浓，口感偏硬，款式特别，用呢个价钱系呢个环境下食到呢个质素嘅食物，真系非常抵！
😍整体评分
味道：🌟🌟🌟🌟
价钱：🌟🌟🌟
环境：🌟🌟🌟🌟
服务态度：🌟🌟🌟🌟
instagrammable：🌟🌟🌟🌟🌟
张贴
