影片
更多
2021-05-24
250 浏览
𠮶日放工未食晚餐，同两个同事入去呢间面𫗦食野。入到去，个阿姐速速埋嚟，乜d服务咁好嘅？原来系埋嚟提醒我地重有五分钟就八点，last order叫我地速速叫野食。吓，八点就last order, 早左d㖞。入面d座位只属基本嘢，唔预d客坐得耐。粥面店都系咁喇，d客唔会太多要求。早餐牌唔啱睇啰，夜市啰。呢张就啱，速速睇，速速叫，怕d阿姐喺旁边用只眼射住。我两个老友叫左鱼蛋面同埋鱼蛋鱼片面，点知嚟左一碗鱼片面同埋一碗鱼蛋面。双并加八蚊个㖞，唔好搅错㖞。讲俾个阿姐知，佢至攞番d鱼片嚟，可能系赶住收工搅错左挂。讲番d味道，咁就0K嘅，鱼蛋鱼片都几弹牙，调味都唔错，话晒呢间野系以鱼蛋作头号推介，面都几有咬口，煮面d时间控制都算合适嘅。呢碟捞粗面泡制都合格嘅，重有d通菜伴碟，算食得过咁喇。呢碟腐乳通菜，属于大路货咁喇，好难有乜亮点喇，偏咸就一定喇，食完就一定要揾番d野饮，唔系会好口渴啰。我就肚饿左d，叫左碟牛腩饭食。牛腩调味都唔错，唔算靭嘅，咬几下就吞得落，冇乜渣。整体嚟讲，呢间面店嘅出品算系ok, 但赶住收工衍生嘅问题，令我地唔太高兴啰，呢d服务要改善吓喇。
入面d座位只属基本嘢，唔预d客坐得耐。粥面店都系咁喇，d客唔会太多要求。
早餐牌唔啱睇啰，夜市啰。
呢张就啱，速速睇，速速叫，怕d阿姐喺旁边用只眼射住。
我两个老友叫左鱼蛋面同埋鱼蛋鱼片面，点知嚟左一碗鱼片面同埋一碗鱼蛋面。双并加八蚊个㖞，唔好搅错㖞。讲俾个阿姐知，佢至攞番d鱼片嚟，可能系赶住收工搅错左挂。讲番d味道，咁就0K嘅，鱼蛋鱼片都几弹牙，调味都唔错，话晒呢间野系以鱼蛋作头号推介，面都几有咬口，煮面d时间控制都算合适嘅。
呢碟捞粗面泡制都合格嘅，重有d通菜伴碟，算食得过咁喇。
呢碟腐乳通菜，属于大路货咁喇，好难有乜亮点喇，偏咸就一定喇，食完就一定要揾番d野饮，唔系会好口渴啰。
我就肚饿左d，叫左碟牛腩饭食。牛腩调味都唔错，唔算靭嘅，咬几下就吞得落，冇乜渣。
整体嚟讲，呢间面店嘅出品算系ok, 但赶住收工衍生嘅问题，令我地唔太高兴啰，呢d服务要改善吓喇。
张贴
