Mano (The L. Square)

芝士肉酱千层面($188)，我至爱既千层面，焗既火侯控制得好好，食落好腍好软绵绵，肉酱既茄汁酱底酸酸尾尾好醒胃。香煎北海道带子三文鱼籽龙虾汁扁意大利面($238)，菜式份量觉得可以提升多d，女士们刚刚好，带子煎到金黄色而且带少少㶶边，好香口咬落有爽弹口感，扁意大面经龙虾汁炒过入晒味，面质质地带微微烟韧。巴马臣芝士薯条($68)，份量都好足，薯条粗身有咬口，我食过岩浆芝士配薯条，但芝士丝就好少见，丝状好处就系容易入口即溶，不足之处系只提供茄汁，如果可以调制出店铺自家酱汁就更完美。TIRAMISU($78)，size都算大杯，一个人会食唔晒，如果二人食完主菜，这份量就岩晒一齐share，口感顺滑creamy，底层冧酒酒味唔会太浓，亦唔会淡而无味，我觉得刚刚好。