影片
更多
2021-06-28
148 浏览
生日月当然要去食餐好，朋友话见到呢间omakase喺尖沙咀开咗新分店，近近哋就book咗嚟试吓🥳我哋拣咗个中间价位嘅set，前菜有：-胡麻豆腐+山葵渍带刺激嘅山葵渍同清淡嘅豆腐好match，令普通嘅胡麻豆腐不平凡-小松菜+油扬小松菜清甜，油扬吸咗煮菜嘅高汤，加强咗清甜嘅味道-慢煮玫瑰贝慢煮两日嘅玫瑰贝好软，酱油香甜，肝位一啲苦味都冇，好好食————————————6款刺身有：-鲛鲽鱼薄切鱼刺身包住咗炙烧裙边，刺身有咬口，裙边入口即溶，一咬开就好香鱼油味，配搭紫苏花一齐食，中和油脂嘅腻感-独眼龙生蚝配酸汁啫喱生蚝好大只，味道鲜甜，aftertaste有齿颊留香嘅矿物味，酸汁啫喱可以突出生蚝嘅鲜甜-池鱼拌姜葱芝麻配紫菜姜葱味好浓，姜味可以带出池鱼嘅鲜味，系咁多款刺身入面较浓味嘅一款-𫠒红鱼配柚子胡椒𫠒红鱼系比较有咬口嘅鱼类，鱼味非常突出-bb银鳕鱼配醋面豉汁BB银鳕鱼非常嫩滑，油脂满分，配搭带少少酸味嘅面豉汁中和一下，两旧好似有啲唔够喉🤪-鲣鱼配特制酸汁鲣鱼嘅表面有轻轻烧过，烧过嘅鱼肉鱼味更突出，特制酸汁食得出有少少柚子味-中拖罗中拖非常厚切，冇筋，鱼味非常浓郁-吞拿鱼脑天表面烧过嘅吞拿鱼
我哋拣咗个中间价位嘅set，前菜有：
-胡麻豆腐+山葵渍
带刺激嘅山葵渍同清淡嘅豆腐好match，令普通嘅胡麻豆腐不平凡
-小松菜+油扬
小松菜清甜，油扬吸咗煮菜嘅高汤，加强咗清甜嘅味道
-慢煮玫瑰贝
慢煮两日嘅玫瑰贝好软，酱油香甜，肝位一啲苦味都冇，好好食
————————————
6款刺身有：
-鲛鲽鱼
薄切鱼刺身包住咗炙烧裙边，刺身有咬口，裙边入口即溶，一咬开就好香鱼油味，配搭紫苏花一齐食，中和油脂嘅腻感
-独眼龙生蚝配酸汁啫喱
生蚝好大只，味道鲜甜，aftertaste有齿颊留香嘅矿物味，酸汁啫喱可以突出生蚝嘅鲜甜
-池鱼拌姜葱芝麻配紫菜
姜葱味好浓，姜味可以带出池鱼嘅鲜味，系咁多款刺身入面较浓味嘅一款
-𫠒红鱼配柚子胡椒
𫠒红鱼系比较有咬口嘅鱼类，鱼味非常突出
-bb银鳕鱼配醋面豉汁
BB银鳕鱼非常嫩滑，油脂满分，配搭带少少酸味嘅面豉汁中和一下，两旧好似有啲唔够喉🤪
-鲣鱼配特制酸汁
鲣鱼嘅表面有轻轻烧过，烧过嘅鱼肉鱼味更突出，特制酸汁食得出有少少柚子味
-中拖罗
中拖非常厚切，冇筋，鱼味非常浓郁
-吞拿鱼脑天
表面烧过嘅吞拿鱼入口即溶，鱼味更浓，用紫菜夹住好似三文治咁食好满足🥰
————————————-
热食有：
-酒煮金目鲷
金目鲷刺身食过好多次，熟嘅都系第一次。金目鲷鱼肉嫩滑，汤好鲜甜
食寿司之前有一粒橘子啫喱俾我哋refresh一下味蕾☺️
————————————-
寿司环节：
-鱿鱼配乌鱼子
鱿鱼好新鲜，比较淡味嘅鱿鱼令我更食得出佢哋嘅寿司饭。寿司饭软硬度、黏度、醋全部都系啱啱好，我非常钟意！
-深海池鱼
池鱼口感爽脆，有淡淡嘅鲜甜味
-金目鲷
金目鲷真系我最爱嘅鱼类，油脂同鱼味好balance，食极都唔厌🥰
-梭子鱼配面豉
梭子鱼嘅油脂喺鱼皮度，炙烧过嘅鱼皮令鱼油香味更突出，同咸香嘅面豉非常夹
-北海道赤上海胆
海胆好鲜甜，好creamy，成粒摆入口真系无敌嘅享受🥰
-左口鱼边
炙烧左口鱼边嘅鱼油香爆棚，有咁香嘅鱼做结尾好满足☺️
————————————-
食哂寿司就到今餐嘅尾声，
首先上咗一个菠菜蚬面豉汤，汤带鲜甜，蚬肉带咸鲜。
再嚟就系甜品抹茶奶冻，个人觉得甜品系今晚另一个高潮，奶冻奶味超级无敌浓，甜度啱啱好，抹茶粉一啲都唔苦，反而仲有少少甜味，成个味道非常balance
overall呢餐系超级满意，食物质素高，食材新鲜，师傅同食客有讲有笑，气氛好好，非常推介大家一试👍🏻
张贴
