莆田 (荷里活廣場)

营业中

休息中

今日同屋企人一行4人黎左食晚饭，妹妹成日话呢间好食终于黎食啦！第一次食福建菜就奉献咗比佢啦哈哈，平日嘅7点来到，唔使排队都入到。放工好肚饿所以一打开menu就叫咗好多嘢哈哈－枇杷－送咗4个俾我哋，可能系比我哋开胃叫多啲嘢食哈哈－酥炸芋芯－炸得好香，面头有一层薄脆，咸咸香香好好味！－传统扁肉汤－好似水饺咁，不过系mini版，汤头酸酸地，好开胃。－虾苗拌头水紫菜－青瓜片包住水紫菜嘅冷盘前菜，酸酸味味又系开胃菜！－九转小肠－厚实嘅猪肠，无臊味，好易入口。－百秒黄花鱼－标榜住100秒焖熟黄花鱼，果然名不虚传，肉质好滑，配上上汤100秒都好入味！－香芋鸭－外皮好松脆香口，一阵厚厚地芋头再包住鸭肉，好好味！鸭肉唔会韧，仲好琳身添，入面仲有少少鸭油超香，正呀！－黄金荷叶包－好钟意嘅一味菜，黄金包炸得外脆内软，上面嘅一片芝麻亦都炸得好香，切开黄金包，再将肉丝包入去，热辣辣好好味！不过可能用吸油纸索咁啲油会觉得无咁油腻。－兴化炒米粉－质感似台湾嘅面线，比平时系香港食嘅米粉更加幼，加上丰富嘅配料蚬，菜粒，花生，肉丝，紫菜炒埋一齐，味道不错。略嫌米粉有少少痴埋一旧，比较难夹开。