牛奶冰室 (藍灣廣場)

营业中

休息中

晚上7:30一行6人去到，一份常餐先上碗牛肉公仔面，等到食完碗面都未见炒蛋多士，另一份牛扒铁板等了25分钟，最后等了35分钟才有焗鸡扒意粉，所有铁板餐汤同多士都系后上，只有饮品系最先上到。眼见坐满晒客，但服务员眼见只有两三个，可能人手唔够但系如果食物质素好系好愿意等杂扒铁板鸡扒和猪扒都好咸，明明餐牌上图中系薯条但变左系薯仔，铁板唔够热，餐汤表面系冻入面只系微暖样似蘑菇汤但饮落系好多洋葱粒味道奇怪。牛扒都叫做比较好少少。焗意粉个鸡扒同铁板鸡扒一样味都系好咸，意粉好干。之前去过鲗鱼涌和杏花邨食物质素系好过蓝湾，而且呢度啲服务员可能唔够人做嘢好赶拿拿声放低碟野就走左去，问野就答你两三个字就即走，感觉唔舒服希望呢间分店唔止服务人员数量要改善，厨房工都要改善食物品质同上菜速度和次序。