和宴

营业中

休息中

琴日下著连绵细雨，系尖沙咀处理好事情后要揾饭食，脑袋闪过一丝念头朋友之前介绍嘅和宴，就决定去食lunch set。去到店门前，见到有排队人龙，今次就决定排队啊！！等咗约15~20分钟就能入座，呢个等候时间都算合理嘅！第一次光顾见到餐牌，有少少花多眼乱～～～单是烤肉就已有几十款，仲唔计其他嘅烧肉丼同锅类食品啊！！另外加钱增加肉份量都有唔少变化～～最终我拣咗和牛温泉蛋丼定食，老公就拣特上雪花牛排肉+澳洲和牛酱汁横膈膜定食～～～和牛温泉蛋丼定食，最面层嘅有鱼籽，酱汁同埋满满嘅和牛片。牛肉嫩，味道唔会咸，反而仲带点微微甜味。虽然有满满嘅和牛肉片但吃完整碗都唔会太腻滞，反而感觉系滋味中带著柔和感。和牛定食嘅澳洲和牛酱汁横膈膜，油脂同肉一层一层咁隔开，层次分明，肉质结实带油筋，今次嘅系薄切，味道浓厚，油花细致，食落口够香😋特上雪花牛排肉，佢嘅大理石脂肪含量好丰富，肉质柔软鲜美，好似特级嘅雪花肥牛咁都唔错～虽然系薄切，但都几重牛味，有咬口唔会韧，几清香juicy。食完呢餐饭，就明白点解落著毛毛细雨，和宴仲有它嘅拥趸排队！