留家廚房

营业中

休息中

难得有餐厅主打用本地食材，心思思好耐想试，终于比我早三星期book到。一去到门口，呀部长好醉心如「煲电话粥」。点解我会知？因为听佢倾计嘅对话同语气，绝唔系同客人对答，似同女朋友咁款。我企喺门口，佢无望过我同理过我，等咗2-3分钟，先有里面啲侍应行过见到我。唔系酒楼应有嘅服务态度。食物一般，招牌鸡啲肉偏un同埋层皮好厚，可能我偏爱食淋肉啲，同埋唔钟意咁厚皮，唔太识欣赏。其他菜式不过不失，唯独蛋白炒饭炒得好，炒到粒粒分明，可以添食。啲侍应都系赶人走feel，无问我地仲食唔食野就陆续收晒我哋啲餐具，差在未收埋枱布。不过佢中途有自动帮我地换碟，只碟仲要系暖，哩个位加分。到埋单走果阵，部长都系好忙咁企喺到做吉祥物，见啲客走都唔识讲句「多谢晒」/「再见」。其他做细嘅更加唔会，上面果件都咁嘅样，下面啲人又会好服务得去边。加上哩间餐厅本身都好难book，好唔休做，都无缘再食。