究極堂 (蜆殼街)

营业中

休息中

食物还好，但待应态度超级恶劣。依间餐厅系屋企附近，见佢环境ok，屋企附近无咩其他日本餐厅，所以都才想试下。之前有一次晚市想过嚟，个似乎系经理嘅人话要等位，但其他咩都冇讲，当过客系孤儿咁，企喺门口都唔知佢想点，但其实入边明明有张枱，啲职员全部挂住倾偈唔执枱。真系佩服个老板请咁多喺度倒米嘅员工。今日lunch经过见佢有位，附近其他餐厅又排紧队，咁就入去试吓啦。点知啲服务态度更加吓死人，问个男待应有关餐牌嘅问题，佢答咗两句就想同你嘈交咁，不断用极差嘅语气不断重复同一句说话，我去茶餐厅都冇啲咁嘅情况。食物质素就OK嘅，叫咗个究极丼同个麻婆豆腐蛋包饭，叫做正正常常啰，但食完个鱼生饭即刻肚痛。叫咗杯咖啡好耐都未到，跟住问返𠮶个上次唔执枱嘅经理，佢话OK但又即刻走返去同其他人倾偈，再问多次先真系喺部咖啡机度整出嚟。应该试完一次都唔会再帮衬，附近冇乜日本餐厅，所以食物都叫正正常常嘅，冇比较。但咁嘅服务态度，真系大排档茶餐厅都好佢哋好多，咁嘅价钱我去第二度算喇。