HANDS - Craft Beer & Magic

营业中

休息中

系太子想同朋友饮野，但系又唔想去酒吧街，今次去咗地铁站附近嘅一间主打手工啤酒酒吧饮嘢，顺便食埋饭。青柠蝶豆花蜂蜜酒（Purple Dream）用蜂蜜发酵酿造既酒，味道香甜易入口，蝶豆花带有淡淡的木香与土味，出面酒吧少见，一定要试吓。椰子酒（Mongozo Coconut) 一上枱嘅时候好吸睛，椰子酒会即时开，然后倒入一个椰子壳杯，上面刻住Mongozo，打卡一流，味道结合左椰子嘅甜味同啤酒嘅苦涩味。脆炸蜜味啤酒单骨鸡翼用咗麦啤腌制鸡翼，即叫即炸，食到有阵阵麦香味，香脆之余好多肉汁，送酒岩哂。原只软壳蟹芝士扁意粉软壳蟹酥酥脆脆，蟹香味浓郁，芝士忌廉汁香浓，扁意粉挂汁能力强，每一啖意粉都食到香浓嘅芝士味。自家油封鸭腿配牛油果蓉鸭腿做法偏软腍，一上枱已经闻到好香，鸭腿面加埋香草，增添香气，配料今次拣咗牛油果蓉，味道清新温和，秘制酱汁偏酸味，可以中和返油腻感。