影片
更多
2024-07-10
171 浏览
近期饮咗好多咖啡，有时会喺coffee shop食埋蛋糕，但试完All Day，觉得冇边间咖啡店的蛋糕可以同佢媲美。本身未去过康城，见佢评价正面就试下。下午茶时段，冇餐、冇任何优惠，单系食件饼同饮杯咖啡，人均消费>$85，唔亲民🙈柚子芝士蛋糕：虽然唔贵（$38），但size迷你，难以置信，佢只有正常芝士蛋糕的1/3-1/2；味道系好好既，柚子的酸甜味突出、平衡又丰富，食食下仲食到柚子皮（或柚子丝？），坚好食；只不过，如果劈大啲个口，件cake可以一啖食晒Brownie：好多食评都大推；可单点件$28，亦可加埋雪糕$52；尺寸正常，$28唔贵；最大感觉系佢似美式曲奇咁chewy，一般brownie有时会焗到有少少干身，但佢里面仲好湿润；朱古力味几浓，但系似朱古力拖肥；相信brownie能够咁chewy，牛油成分应该劲高，而呢样亦对佢的可可味造成影响，变到有啲似朱古力拖肥；如果慢慢食，慢慢让佢喺口腔融化，都可以食好耐既，同埋佢都饱肚，系一个好邪恶但同时又令人好满足的甜品Dirty：$52，得半杯，只杯都几唔appropriate（呢度用即弃食具）；咖啡味浓，nutty，带苦涩，个人
本身未去过康城，见佢评价正面就试下。下午茶时段，冇餐、冇任何优惠，单系食件饼同饮杯咖啡，人均消费>$85，唔亲民🙈
柚子芝士蛋糕：虽然唔贵（$38），但size迷你，难以置信，佢只有正常芝士蛋糕的1/3-1/2；味道系好好既，柚子的酸甜味突出、平衡又丰富，食食下仲食到柚子皮（或柚子丝？），坚好食；只不过，如果劈大啲个口，件cake可以一啖食晒
Brownie：好多食评都大推；可单点件$28，亦可加埋雪糕$52；尺寸正常，$28唔贵；最大感觉系佢似美式曲奇咁chewy，一般brownie有时会焗到有少少干身，但佢里面仲好湿润；朱古力味几浓，但系似朱古力拖肥；相信brownie能够咁chewy，牛油成分应该劲高，而呢样亦对佢的可可味造成影响，变到有啲似朱古力拖肥；如果慢慢食，慢慢让佢喺口腔融化，都可以食好耐既，同埋佢都饱肚，系一个好邪恶但同时又令人好满足的甜品
Dirty：$52，得半杯，只杯都几唔appropriate（呢度用即弃食具）；咖啡味浓，nutty，带苦涩，个人比较喜欢
Cold brew：埋单时得番最后1杯，应该几受欢迎；用1个厚身玻璃樽装起，$55，容量少，朋友估计~150ml
以coffee shop嚟讲，呢度消费都高，虽然食品、饮品质素唔错，但份量太细喇，食完、饮完都系到喉唔到肺，如果要开怀地叹下午茶，每人都要饮品、蛋糕打孖上。环境一般，coffee shop冇明确的地域区分，啲台好细，而我哋坐果边的台仲要唔平衡，食嘢时要就住就住，希望店员可以揾张厚纸摄实只台脚啦；由于呢度系open space，食食下有小昆虫「嬲」住啲嘢食，要驱赶，而且呢度冇明显出入口，所以食嘢过程中有个行迳古怪的人「入咗」coffee shop「范围」，整体环境同卫生要打个折扣
张贴
