鐵牛台灣牛肉麵 (金巴利道) (已結業)

同朋友仔约左系尼间食台湾嘢，个人觉得餐厅离地铁站都几远嫁😆。餐厅系地库既，所以环境都几大嫁。冷气开得有啲大，坐多阵就觉得几冻下，要著多件衫啊👕。餐厅职员安排俾我地既座位系未执好既，之后职员都有即刻清洁返。同埋用餐期间上菜出现错误，将木鱼炸豆腐变成皮蛋豆腐，之后都有更换返。服务质素算唔差啦👌🏻。餐厅系使用QR code落单既。我地2个人，各叫左一个餐同2份小食。 ▪️铁牛台湾牛肉面：半筋半肉，肉质算嫩，但无乜牛味。面条软硬适中，汤底唔浓郁但唔会太咸同油腻既。 ▪️盐酥鸡肉燥汤面：盐酥鸡香口，唔会太咸，炸粉好薄几juice💦，但口感唔算香脆。虽然系小辣，但系朋友都觉得有啲辣。 ▪️台农57号甘梅地瓜🍠：地瓜条带少少甜味，同梅子粉一齐食，味道酸酸甜甜。 ▪️木鱼炸豆腐：外层香脆同沾满酸甜嘅酱汁，内层系嫩滑嘅豆腐。连埋青瓜丝🥒一齐食，中和返油腻感，几清爽同开胃。 另外，跟餐加购两杯餐饮🧋，冇得选择甜度，所以好甜。怕甜嘅朋友，可能选择饮茶会好啲啊。 👐🏻整体而言，食物味道一般，胜在价钱比较平。适合平日喺附近返工又唔想喺lunch time洗太多钱既朋友仔。