影片
更多
2020-03-10
953 浏览
今日系同女朋友嘅半年纪念日，系OpenRice book 左 Aqua，咁呢，就有得拣个Sunset Dinner set。首先讲下个环境先，系One Peking 29楼，饱览维港景色，真系好有Feel。另外餐厅内嘅装潢，都好有格调，而且配合埋柔和嘅灯光，更添浪漫嘅气氛。今日我地系坐系后排位置，但其实都有好处，就系坐得比较舒服，座位比较宽阔，而且仍然能够睇到维港夜景。当然如果想睇维港景色睇得更清晰，可以坐Window side，不过要有心理准备座位会比较狭窄。因为系OpenRice 预先订左位，所以可以Order Sunset Dinner 同埋免费Upgrade 左dessert platter。我地叫左两Set 3 course set。Starter 我地拣左 Seared Salmon and yellowtail seaweed salad 同埋 Mozzarella。火炙三文鱼加上油甘鱼同海藻，再配搭Kimchi sauce，成件事好match，鱼嘅油香配上酱汁嘅香气，令人回味无穷。至于Mozzarella，十分 creamy，加上 roasted tomato sau
首先讲下个环境先，系One Peking 29楼，饱览维港景色，真系好有Feel。另外餐厅内嘅装潢，都好有格调，而且配合埋柔和嘅灯光，更添浪漫嘅气氛。今日我地系坐系后排位置，但其实都有好处，就系坐得比较舒服，座位比较宽阔，而且仍然能够睇到维港夜景。当然如果想睇维港景色睇得更清晰，可以坐Window side，不过要有心理准备座位会比较狭窄。
因为系OpenRice 预先订左位，所以可以Order Sunset Dinner 同埋免费Upgrade 左dessert platter。我地叫左两Set 3 course set。
Starter 我地拣左 Seared Salmon and yellowtail seaweed salad 同埋 Mozzarella。火炙三文鱼加上油甘鱼同海藻，再配搭Kimchi sauce，成件事好match，鱼嘅油香配上酱汁嘅香气，令人回味无穷。至于Mozzarella，十分 creamy，加上 roasted tomato sauce，绝对系一流嘅享受
餐饮方面，佢有得拣 1.5 hours free flow champagne，所以我地紧系拣左呢个，因为真系好抵饮。呢只veuve clicquot champagne，有一阵果香味同烟熏味，而且酸度适中，好适合配搭鱼，同埋牛扒等等。
至于Main course，我地拣左烧牛柳伴芥末及甜日本米酒酱，同埋香草酱意大利饭配蓝芝士及合桃。 烧牛柳大约七成熟，牛柳鲜嫩多汁，肉味香浓。再配上芥末酱同埋甜日本米酒酱，令成道菜提升至另一个层次，特别系个米酒酱，好香好浓郁，而又唔会盖过牛肉本身嘅味道。另外香草酱意大利饭好Creamy，有一阵奶油香同埋香草香味，再呷一口蓝芝士，有淡淡嘅咸香味同埋蓝芝士独有嘅蘑菇香气，再加上核桃提升左个意大利饭嘅口感，令人一试难忘。
最后当然唔少得 dessert platter, 佢有两球雪糕，一个心太软，一个tiramisu，同埋一旧类似和菓子嘅甜品。特别要推介心太软同埋tiramisu。心太软唔会太甜，有香浓朱古力味，口感比较厚实。而Tiramisu口感细腻饱满，有淡淡嘅咖啡同朱古力味，一个字，好味！
28 浏览
0 赞好
0 留言
19 浏览
0 赞好
0 留言
20 浏览
0 赞好
0 留言
52 浏览
0 赞好
0 留言
张贴
