Billow

营业中

休息中

又到星期六喇，但近几日天气好反覆无常，谂唔到去边玩好，咁啱碌电话见到呢间餐厅就去试下，好好彩地walk in 唔洗等就有位，仲要系打卡嘅窗口位，出面仲见到有人玩梗水上活动，感觉都几chill。环境真系冇得输，不过食物就冇乜特别啦。波士顿龙虾多士$238龙虾包同虾多士就听得多，但系龙虾多士就未试过，所以就叫嚟试下。个包嘅材料其实都几简单，基本上剩系得龙虾同埋椰菜花，配上淡淡的芥末酱，唔会抢咗龙虾嘅鲜味。不过$238嘅价钱就比较贵啲，都系食返龙虾包开心啲。慢煮鸡胸芝士黄姜意大利饭$208呢一个饭真系唔值得试！因为根本上就系一个多汁嘅咖喱鸡饭，真系冇嘢好补充。鸡胸系一条条嘅鸡柳咁，冇特别，如果佢个名冇加”慢煮”嘅话，我会冇咁失望。炭烧榛子鲜奶咖啡我谂佢改名做”榛子鲜奶咖啡”会好啲，完全冇炭烧味，得个甜字，正如个鸡胸饭一样，如果佢个名冇”炭烧”嘅话，我唔会反白眼。