大自然素食

营业中

休息中

平时约亲朋戚友食饭，唔系打边炉就烧肉，真系食到个肚都滞滞地🤣近年来越来越多人向往素食主义，所以陆陆续续都开咗好多间素食餐厅～从前小编返工嘅时候都有一位同事茹素咗好多年，佢就介绍咗我去食呢一间餐厅，唔讲唔知都做到同真肉一样😆食落去个口感好难知道用咩制造😹但系竟然可以好好味！🍴日式海鲜薄饼 $98薄饼煎得非常香脆，记得要趁着热辣辣好食喇！中间趁热食芝士总会拉丝，同平时去𝐩𝐢𝐳𝐳𝐚 𝐡𝐮𝐭食个薄批唔多口感🍕🍴香煎黑椒金钱扒 $78大家估吓知唔知道呢个金钱扒即系咩呢？问返介绍同事先知道原来系猴头菇😯简单加咗黑椒去调味，而且西兰花好大旧，超饱肚。🍴秘制沙拉骨 $78如果大家会去呢一间餐厅，应承我‼️记得一定一定要嗌呢一个秘制沙拉骨‼️超级无敌好食‼️个人觉得口感少少似鱼腐，再捞埋沙律酱，香甜可口！🍴黑松露牛油果酱炒饭 $88唔讲唔知，其实小编系一个饭桶，最钟意就系食饭😹所以即刻嗌返个炒饭试吓，牛油果酱就唔系好食得出，不过一上枱就即刻闻到好大浸黑松露味🤘🏻饭都炒得粒粒分明，呢个都绝对值得尝试👍🏻🍴烧汁芦笋牛柳卷 $88呢个有少少似扮紧金菇肥牛卷😆介绍同事话今次略嫌失色，食落有少少韧～不过味道尚算不错。