茶記研究所

营业中

休息中

-茶记研究所系我最近成日去食嘅茶餐厅，餐厅嘅内外布置都好气派，睇起嚟好高尚。佢嘅大满足杂扒铁板餐真系超值，而且份量都唔细，只需要98蚊就可以每次食到饱。每次点餐后都不需要等很久就会上餐，效率很高👍。大满足杂扒铁板系配黑椒汁嘅，跟餐会有一碗罗宋汤同一粒餐包。我真系揾唔到咁平嘅杂扒铁板餐喇。罗宋汤嘅味道有啲甜甜酸酸地，非常开胃，餐厅仲准备咗一个细盒嘅牛油， 所以餐包可以配埋牛油食。大满足杂扒铁板餐入面包括鸡扒同猪扒，如果你系食肉兽，真系好啱呢份铁板餐。入面仲有一条香肠同一堆炸薯条，仲有啲蔬菜垫喺下面，同埋一粒煎蛋喺上面。系咪觉得有好多嘢喺一个铁板入面，所以我先至话超值！感觉厨师会先用洋葱垫住啲扒再慢慢煎，因为可以嗅到少少嘅洋葱味，同埋整个火候调得啱啱好，所以啲扒都唔会焦。鸡扒同猪扒加埋黑椒汁，透过铁板剩余嘅热力煎熟，所以好好味，啲肉质鲜嫩，一切开个横面，直接将里面嘅香气都释放出嚟😍。我仲点咗一杯冻柠茶嚟解渴，味道唔会太甜，啱啱好。正好中和咗啲扒嘅浓郁味道，亦帮助解腻。我真系好需要一杯冻饮，尤其系喺热辣辣嘅铁板餐之后。大家可以嚟试下，我觉得都好好食！！尤其系对大满足杂扒铁板情有独钟！！👍 👍