Cafe Polanka

营业中

休息中

呢间大埔嘅餐厅虽然已经转手左几次，但我都从来未试过🤪。今日有个旧同学话想黎试吓，一于陪佢喇。我就点左个特色猪手🐷配黑椒汁同薯菜🍟（$72+$4冻饮再加一）。餐包同粟米忌廉汤都正正常常，食到有粟米粒🌽，但感觉系开粉既汤。至于猪手一上枱就发现同我想像中嘅唔同，我以为系德式脆皮咸猪手，结果唔系但唔紧要。成个猪手呈红色🔴，好似比南乳腌过咁。不过食落就无颜色咁入肉，好淡口就似系白烚一样，靠个黑椒汁先有味，肉质就散啲，而且又唔多热🔥。总括而言，我觉得呢个价钱嘅话可能茶餐厅都好食过佢，我就应该唔会再帮衬🙅🏻‍♂️。而且侍应生态度都一般，可能太忙，食物就值得有好大嘅改善空间🤔。