蛇王海

营业中

休息中

天气开始冻，又系食蛇羹，暖下身嘅好时机，不过越来越少地方有得食呢啲传统野，好彩都揾到西营盘嘅蛇王海。以为冇乜人帮衬，点知full House，又见佢外卖都做唔停手，好彩等咗唔使10分钟就有位啦。一坐低就嗌左佢嘅蛇羹套餐，分别有蛇羹，蛇汤同埋糯米饭，糯米饭可以拣配腊肠或者润肠，而我个人就钟意食比较浓味嘅润肠。蛇羹超级足料又够杰身，蛇肉比我想像中多好多，仲要唔系碎湿湿，系一块块好有咬口，蛇羹嘅味道亦都系传统风味，比起细个跟妈妈去食民X联个啲蛇宴正千倍蛇汤我就真系第一次饮，初初有少少怕会好怪，不过饮落原来都唔错，好似啲药材养生汤咁，食蛇羹又饮蛇汤，成个人暖笠笠润肠糯米饭都超好食，糯米饭热辣辣，口感烟韧唔会硬，润肠仲有少少脆皮，浓味加上油香，用嚟送糯米饭一流。