Studio City by Cali-mex (百德新街) (已結業)

外出晚膳前，长辈例牌要先叹一叹欢乐时光，由于大食会饭局定于食街一家新店内，欢乐前奏就顺势地选于街上邻近嘅「Studio City by Cali-mex」进行。食街餐店其中一个特色就系大多都同时设有室内及室外座，这家墨西哥餐厅亦不例外，金色大门及红色砖墙正好分隔两个区域。真系冇谂到天气咁热，第一个抵达嘅蕃薯uncle居然会拣坐出面！室外二至四人合拼式散座均有大大把雨伞为贵客遮风挡雨。铁造餐桌及椅櫈亦干净企理。欢乐时光限定为周一至五嘅下午三至七时，可选嘅饮品项目有一页之多。XO仔行到身水身汗，坐喺最凉嘅高櫈吧位都仲吹紧自己把风扇仔，当然系要饮三爷代言嘅蓝妹生啤解一解渴啦！全场最有睇头就系爸爸点𠮶杯Piña Colada！睇单先发现原来鸡尾酒成$128/杯，并未列入欢乐酒牌，终于明白点解要连埋个咁震撼嘅菠萝壳上！「Studio City by Cali-mex」环境简洁，气氛轻松，服务生好客又易话为，欢乐价格够亲民，系食街中嘅不错之选。