新東記火鍋店 (已搬遷) 新店位置

OT完咁辛苦，同事话一于食豪啲去打边炉（其实因为有饭钱claim）。尖沙咀嘅新东记开到凌晨三点，就啱晒我地OT到十一点几嘅人。一入去就见到个牛肉档，就知不能不试呢度嘅牛肉。打边炉麻辣汤底不可少，牛肉都必点啦。鲜嫩肥牛有得拣肥度，呢个就系中肥都好得，油脂分布平均。多款嘅酱料车，虽然细心，但由于汤底太入味，所以都冇乜点过。估唔到火锅店都有刺身食，咁既然有老细资助梗系食豪啲啦。象拔蚌刺身，一个字鲜！点少少wasabi就吊出个鲜味。另外就系国王的刺身，龙虾太白太透喇，影落去净系见到成堆雪，食入口鲜甜即融，不得了。呢个醉鸡好野喇，又够酒味又滑。海鲜都好得，半只手板咁大只蚝，食到咁鲜甜，不过有少少腥。珊瑚蚌鲜甜啊....鳝片渌一渌即食，爽脆！Overall 环境野食质素都好好，如果话要改善我谂员工态度可以友善少少啰。