山城小麵 (懷仁街) (已結業)

大埔墟一个角落里，有一间小店叫做「山城小面」，专做街坊生意。 门牌写住「重庆」两个字，其实可以拣食辣或者唔辣都得嘅。睇睇餐牌，价钱真系好街坊价，一杯热饮单点都只系$7咋，好平啰。 秘制排骨面拣咗刀削面，大大碗，面质偏硬，又带啲烟韧口感。 叫左少辣，麻辣香味突出。排骨三件，肉质腍滑。山城牛肉面加肥肠，清汤底冇辣味咁惹味，如果食到少少辣，我会建议拣少辣，更有风味。牛肉系粒状，味道似牛腩。肥肠洗得干净，够腍够肥美。口水鸡翼有三只，已经切开两边，麻辣而唔会辛辣，惹味。郊外油菜$15一大碟，加左啲醋落去，但个人唔太喜欢酸味嘅菜。红糖冰粉$10，系四川特色甜品，解辣名物。 冰粉本身无乜味，似系透明啫喱，冰冰凉凉的。 加左少量红糖水，唔会太甜，面头再加少少山楂饼粒，味道清新开胃。