自家製韓國刀削麵 (駱克道)

营业中

休息中

之前一路都好想试吓呢间韩国刀削面，今日趁天气有少少转凉，啱晒食碗热辣辣嘅汤面啦，餐厅主打唔同嘅韩国刀削面有汤同埋捞等等，而且枱面上面亦都有唔同嘅调味料，包括佢哋嘅招牌辣酱同埋胡椒粉等等，今日就叫咗朋友同我一齐试✌🏻✌🏻韩国海鲜汤刀削面使用海鲜高汤作为基底，感受到海鲜嘅鲜甜。自家制嘅刀削面嘅口感果然非常之弹牙，同海鲜汤底嘅精华好夹，汤里面嘅材料都非常丰富，其中包括，唔同嘅贝壳类、青口、原只虾、原只大鱿鱼，蟹等等。食极都仲有，正啊！韩国海鲜辣刀削面汤材料上面大致上同头先𠮶碗一模一样，但系呢一个系一个辣嘅版本，但系唔知系咪迁就返香港人嘅口味，所以不太辣，好彩隔离有佢哋自家制嘅辣酱，如果唔够辣嘅话可以加辣，掂！泡菜蒸饺子以韩国泡菜为馅，风味独特。饺子皮薄而有弹性，包裹著丰富嘅馅料，一咬就渗透出满满嘅泡菜酸辣同香气。用蒸制方式处理后嘅饺子仲可以保持住多汁，食落口感滑嫩，搭配酱油醋，进一步提升咗韩式传统风味。