自家製韓國刀削麵 (駱克道)

营业中

休息中

The Korean spicy mixed noodles here should definitely be featured in the Culinary Class Wars, I’m not joking. This huge scrumptious bowl of beautiful knife-cut noodles are freshly handmade in house every day. The noodles are super chewy and springy, each strand is perfectly covered in a slightly sweet, vinegary, spicy red sauce, with obvious flavour of sesame oil, as well as some cucumbers, bean sprouts and salad lettuces.There are also a mountain of toppings: crispy Korean seaweed, egg floss, s

之前一路都好想試吓呢間韓國刀削麵，今日趁天氣有少少轉涼，啱晒食碗熱辣辣嘅湯麵啦，餐廳主打唔同嘅韓國刀削麵有湯同埋撈等等，而且枱面上面亦都有唔同嘅調味料，包括佢哋嘅招牌辣醬同埋胡椒粉等等，今日就叫咗朋友同我一齊試✌🏻✌🏻韓國海鮮湯刀削麵使用海鮮高湯作為基底，感受到海鮮嘅鮮甜。自家製嘅刀削麵嘅口感果然非常之彈牙，同海鮮湯底嘅精華好夾，湯裏面嘅材料都非常豐富，其中包括，唔同嘅貝殼類、青口、原隻蝦、原隻大魷魚，蟹等等。食極都仲有，正啊！韓國海鮮辣刀削麵湯材料上面大致上同頭先嗰碗一模一樣，但係呢一個係一個辣嘅版本，但係唔知係咪遷就返香港人嘅口味，所以不太辣，好彩隔離有佢哋自家製嘅辣醬，如果唔夠辣嘅話可以加辣，掂！泡菜蒸餃子以韓國泡菜為餡，風味獨特。餃子皮薄而有彈性，包裹著豐富嘅餡料，一咬就滲透出滿滿嘅泡菜酸辣同香氣。用蒸製方式處理後嘅餃子仲可以保持住多汁，食落口感滑嫩，搭配醬油醋，進一步提升咗韓式傳統風味。

一個人不知道吃什麼，看到刀削麵就進去了。也是現在比較熱門的食物。加上冬天了，少不了一碗熱騰騰的面！ 😙😙🍲牛骨湯刀削麵分量是大的，麵條的勁道我也是比較喜歡的。但湯我覺得還是比較清淡，沒有說的那麼濃郁。要自己加啲泡菜先覺得有啲味，不過面嘅韌度唔錯，都幾有口感😄😄分量大到食唔晒😂😂😂😂😂😂😂😂😂😂😂😂本來還想吃韓式餃子的，但是一份4個。一個人根本吃不了，所以放棄了。如果可以面可以加配2只餃子那樣會更好。而家好似有新Menu有得食拌麵，可能行過諗唔到食咩都有機會會再訪。

Blingbling美食推介✨📍銅鑼灣🍲自家製韓國刀削麵銅鑼灣足料大大碗韓國刀削麵😛💠💠💠💠💠💠💠💠行過見自家製韓國刀削麵排曬長龍，見價錢又唔貴，所以就入去試下~ 一坐低見隔離台晚麵到左，嚇一嚇！分量超級大😂😂所以我地兩個人只係叫左一碗麵share，在加一份雙拼餃子🩷💠花蛤刀削麵 $78花蛤刀削麵實至名歸！！唔止麵既分量多，連花蛤分量都好多@@每一隻都係開口架！好新鮮，好鮮甜~ 花蛤刀削麵會清d，但如果鍾意濃味既可以加胡椒粉調味🧂💠雙拼餃子 - 大豬肉餃子 + 大泡菜餃子 $58大餃子果然係大餃子！！真係超級大😂😂見到真係有嚇一跳，簡直係擦新我對餃子size既三觀😂😂非常之飽滿同多餡料，我自己鍾意泡菜餃子多d，不過真係會有d辣🥹‼️餐廳環境：🩵🩵🩵🩵🩵/5服務質素：🌸🌸🌸🌸🌸/5食物味道：😋😋😋😋😋/5 性價比：💰💰💰💰💰/5自家製韓國刀削麵📍駱克道397號金禧大廈地舖#blingbling推介 #blingbling美食 #blingbling銅鑼灣 #銅鑼灣美食 #blingbling韓國菜 #刀削麵

OpenRice明明寫收 22:0020:55 入到去，個侍應已經好唔想serve我咁但係都比我入，同我講左句 "快d落單" 之後佢比QR code我掃，再重申 "快d落單"(心諗洗唔洗係咁吹，係咪趕住埋數) 21:03 落左單，叫左個辣海鮮麵21:08 野食到左，個侍應就話 "要食快d"... 🙄🙄🙄21:15 淨返兩枱客，再行過黎同我講 "食快d, 我地要洗碗"21:20 佢不停響響我附近抹枱又望住我，食左5-6啖到我終於頂佢唔順將個麵打包拎走返屋企食。咁大碗麵又熱我無可能同你食快D！今時今日咁既服務態度我都唔知仲可以講咩。如果你趕住收鋪就應該唔好比我入/ 叫我外賣，唔係不停叫我快d落單/食快d... 唔討論個服務態度，碗麵係唔錯既，結論就係一間唔錯既餐廳請左低質素既員工。人生第一次比食評，估唔到係一個差評😞

之前都喺元朗食過佢嘅分店，今次嚟到灣仔又見到佢等我又回味吓先～今次叫咗呢個辣海鮮湯麵。估唔到真係一試難忘首先個面底好食不在話下，個湯底辣辣地又嘢味，唔會太辣。最估唔到嘅係啲海鮮多到呢真係唔使本，成條魷魚又有青口又有蝦又有蟹…..真係好抵食🤭下次行經一定再幫襯

早一兩個月已經見佢新開，已經想試，但一路都未有機會試。今日返工做嘢遲咗，難得自己食lunch，諗起呢間餐廳，即刻過咗嚟試！有Lunch set，包一碗麵，泡菜同餃子，我自己就揀咗最簡單嘅鯷魚湯刀削麵同埋豬肉餃子，其他麵都要加錢，$10至$20不等。Lunch menu:碗麵一嚟到，非常熱辣辣，麵質好煙韌，係我鍾意嘅口感，味道就正正常常，係一碗冬天食落會好舒服嘅麵。而餃子係我食過嘅韓國餃子嚟講最好食，又大隻，餡料又多，入面有粉絲同豬肉，而且個皮都係好煙靭。P.S. 我覺得佢枱面甖辣醬幾好味，好似韓式辣魷魚嗰種醃醬味，加入碗湯，別有一番風味！整體嘅用餐體驗都唔錯，下次會試埋其他口味嘅麵，聽講比鯷魚湯好食

未有機會再次去韓國旅行，今日就先去一間韓國餐廳感受一下韓國的氣氛 😛🔸辣拌刀削麵 $78辣醬很香又不會太辣，刀削麵很有咬口軟硬適中，面上的牛腱肉質很軟很有牛味 😍 配搭紫菜和蛋絲一齊吃超級香！🔸花蛤刀削麵 $78湯底十分鮮甜！超級好味 🤩🤩🤩 花蛤份量好多，完全沒有沙 👍🏻 有湯的刀削麵口感比拌麵會軟一點點 🤏🏻🔸大豬肉餃子 $58這個應該是我吃過的韓國餃子之中最好吃 ❣️ 餃子餡料調味剛剛好，配搭送上的柚子醋，微酸又有少許清新柚子香味，真的很好吃 🥰🤤發現這間的泡菜比其他韓國店的不同，店員說是每日新鮮醃製的，吃下去會比一般泡菜更為爽口 😋 超級推薦！

對韓國嘢嘅印象偏辣同埋濃味，而家香港都有走健康清淡路線嘅韓式餐廳啦！🔅海鮮湯麵 · $128真係俾佢嘅海鮮湯麵震撼咗！材料好有誠意，分別有大蝦，帶子、水蟹、青口、原隻章魚，仲有海量蔬菜同瓜❤️湯底加咗蒜蓉清淡得來又有海鮮味，唔油膩，而呢款配既面係幼麵，幾彈牙😛🔅花甲刀削麵 · $78朋友叫左花甲麵，花甲都俾得幾多，而每一隻都係開口嘅😀呢一款加咗蛋絲同紫菜，湯底有少少唔一樣，花甲嘅鮮味好出😀而呢一款用咗粗麵🫶🏻如果想食濃味少少，可以落胡椒粉調味🔅雙拼餃子🥟 · $58印象中嘅韓國餃子非常之飽滿同多餡料，呢度嘅餃子都唔例外，一辣一唔辣，兩種味都可以食晒☺️

銅鑼灣嘢食選擇好多，依間係親民又大份！首先叫左韓國海鮮湯刀削麵 ($128)，濃濃嘅海鮮湯底，飲一啖湯已經飲到湯底嘅鮮甜，配合大量嘅海鮮，例如有蜆、青口、魷魚、蟹、蝦、貝殼類，加上店家自家製嘅刀削麵，口感彈牙之後仲叫左炸醬麵 ($78)，食落一啲都唔鹹，面底啱啱好吸收醬汁，食落唔會太淋又唔會太乾，好有韓國風味！小食試左泡菜蒸餃子 （$58），諗住平時都係同香港餃子size差唔多，一上枱發覺原來四隻好大隻，餃子皮薄，入面內餡好多泡菜，所以夠哂味！飲品就叫左濟州柑桔汁 ($18)，飲落嘅時候會有濃濃嘅柑橘香氣，但唔會太甜。另外試埋濟州青蘋果汁 ($18)，口感清新，青蘋果味豐富，飲落非常解渴

近日韓式刀削麵掀起一波熱潮，而呢間由尖沙咀開到灣仔，仍然人氣高企！繁忙時間要排隊才能吃到的韓國刀削麵，絕對不能錯過的！今日試咗兩款麵食同埋水餃，整體評價十分不錯。牛骨湯刀削麵湯底以牛骨熬製而成，麵質煙韌彈牙。牛鍵肉腍滑，配有紫菜、雞蛋絲。大豬肉餃子餃子餡料飽滿，蒸餃能夠鎖住肉汁，內有粉絲及豬肉配料。炸醬麵雖然醬汁好深色，但食落係香香甜甜嘅。汁料內有薯仔、洋蔥同鵪鶉蛋，可與刀削麵混和進食。🛎️必試指數：9/10🔆

昨日放工後，我同朋友嚟到呢間近期人氣高企嘅自家製韓國刀削麵。除咗呢間位於鵝頸橋附近嘅店鋪之外，佢哋喺元朗同尖沙咀都有分店。鍾意食韓國菜嘅朋友絕對唔可以錯過。
🐙 海鮮湯麵 $128 海鮮湯麵有各種海鮮，包括蝦、蟹、青口、八爪魚、蛤蜊同其他貝類等，搭配蔬菜同麵條。其中最出色嘅係滑溜溜嘅麵條，吸收咗海鮮湯嘅精華。
🍜 炸醬麵 $78 味道適中，唔會過鹹，令人一口接一口停唔到口。炸醬嘅味道濃厚，同麵條完美結合，每一口都充滿咗韓國傳統嘅風味。
🥓 五花肉泡菜煎餅 $68 煎餅中夾雜咗一塊塊嘅五花肉，味道十分出色。煎餅外脆內軟，五花肉配泡菜超正，吃完十分滿足。🍊 Fraisjus 濟州柑橘汁 $18 濟州柑橘汁清新爽口，甜度適中，飲落去有濃濃嘅柑橘香，非常適合配搭韓國菜。
🧃 Fraisjus 青蘋果汁 $18 青蘋果汁口感清新，甜度適中，飲落去有濃濃嘅蘋果香，係一款非常解渴嘅飲品。

之前同朋友係尖沙咀食過呢一間韓國刀削麵，一直念念不忘，今晚約埋朋友嚟灣仔呢一間分店再食過😆辣海鮮湯麵 $128海鮮份量超多，有蝦、扇貝、蟹、青口、蜆同魷魚，每款海鮮都有幾件，淨係食餸都已經好滿足，加上湯麵係揀咗辣湯底，味道香辣惹味，非常開胃🌶️海鮮湯麵 $128原味嘅海鮮湯麵嘅海鮮量同樣十足，加上有翠玉瓜同蔬菜配合，令味道帶點清爽，原味湯底鮮甜，配埋Q彈煙靭嘅手打刀削麵，鍾意食海鮮嘅朋友一定唔可以錯過海鮮韭菜煎餅 $68韭菜煎餅煎得非常香脆，內裡有少少Q彈，魷魚粒彈牙，口感豐富📌自家製韓國刀削麵 (駱克道) (銅鑼灣)地址：銅鑼灣駱克道397號金禧大廈地舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #香港第一間韓國刀削麵#부자칼국수自家製韓國刀削麵 #銅鑼灣 #海

全港第一間韓國刀削麵🫡啱啱開嗰陣時大排長龍，而家銅鑼灣都開咗分店，分散咗啲人流。🦑🍜 辣海鮮湯麵 $128 份量勁澎湃，勁打卡🤑勁多海鮮鋪滿咗個麵👻我要咗辣味，口味都偏辣🌶️🌶️唔食得辣嘅朋友可以揀返原味海鮮。🐮🍜 牛骨湯刀削麵 $78佢味道唔算好濃，但係飲到啖啖嘅牛骨湯味，同埋佢刀削麵嘅麵質係真係好食啲😚麵條較粗，口感硬少少，比較有咬口🍜🥟🥟 雙拼餃子 $58粒粒餃子餡料都勁飽滿，又大隻👍🏻雙拼餃子係豬肉餃同泡菜餃，兩隻味比較，我反而鍾意原味豬肉餃多啲，泡菜味有啲太搶🤣

身為香港人，今日反而由韓國朋友帶路去灣仔食韓國麵。這間香港第一間韓國刀削麵餐廳，主要供應三樣食物：韓國麵、煎餅和餃子。裝修簡約，好像在韓國街頭隨便進入一間家庭式麵店一樣。雖然只有三樣，但都有不同款式，例如花蛤刀削麵、牛骨湯刀削麵、辣拌刀削麵、豆汁冷麵等，價錢由$58起，有辣有不辣。煎餅和餃子也有幾種口味。我的韓國朋友食得辣，我也不怕辣，於是我們各點了一款湯麵和拌麵，都是辣的，加個煎餅，豐富又好食。🏅辣海鮮湯麵（$128）🏅辣拌刀削麵（$78）🏅牛肉蔥煎餅（$68）韓式刀削麵口感彈牙，無論是放湯還是涼拌都好食。海鮮麵有青口、大蝦、大魷魚、貝類和蟹仔，湯底鮮甜帶少辣。拌麵有牛𦟌、紫菜、蛋絲等，辣度溫和。兩碗麵都大碗份量足，加入了洋蔥和蔬菜，惹味開胃。煎餅煎得香脆可口，牛肉較碎，香蔥絲好吃。平日食韓國菜大都是燒肉、炸雞、部隊鍋、石頭鍋飯或是壽司卷，今次簡簡單單食碗麵，我覺得非常好，下次再來試它的餃子。