Mano (The L. Square)

放工来铜锣湾shopping，想快食个意粉，就黎左Mano铜锣湾分店。之前在观塘食过质素有保证，所以就encore佢。原想点个pizza，但铜锣湾分店就没有，改而点了男朋友最钟意嘅烧猪腩。外加2个小食和一个意粉。香烤千层芝士茄子茄子切开几层再砌返，好腍好juicy多汁，配茄酱出奇的好食，连唔食茄的我都食左2件！巴马臣芝士薯条因为见隔离枱点，所以又跟住点！薯条新鲜炸起，是粗身又长的那种，香脆热辣带芝士咸香。食唔停口！新鲜黑松露蘑菇扁意大利面被这意粉吸引而来，上枱已经好香松露味，扁意粉挂汁能力一流，每条意粉都沾满酱汁，仲有片片蘑菇，食落好creamy有口感！意式脆皮烧猪腩卷配辣肉肠兰豆豆平时好少西餐厅会有猪腩食，呢度块猪腩好有惊喜！猪皮烧得卜卜脆，腩肉肥瘦层次多重，一定要打直切一嚿嚿咁食，咁先最滋味！加埋一旁沙律酸酸地好开胃！整体来说，呢度晚市好有气氛，好多人黎happy hour完直接食埋野，加上食物出品质素有保证，所以咁多人帮衬系有原因！