我要烤魚

营业中

休息中

今次喺铜锣湾闹市中，试咗一间专卖烤鱼🐟嘅楼上餐厅。我选咗BB辣度嘅重庆麻辣烤鱼汤底，味道香辣适中，唔会太过火，啱晒我呢啲唔太耐辣嘅食客，而条鱼就好大条好鲜嫩🩷下次再试佢唔同嘅烤鱼~酸辣金汤烤鱼、番茄烤鱼先得💖🥬配菜方面，美国牛小排肉汁丰富，满足食欲。🥬皇帝菜同响铃都几新鲜，特别响铃，脆口又有淡淡甜味。豆腐吸咗汤底嘅味道，简直好配合。🦪广岛蚝就肉质鲜美，加上酱汁，口感一流🩵🍢串烧方面，厚牛舌串味道浓郁，口感滑润，西班牙叉烧串亦都多汁，一口接一口。下次要试下沙尘牛肉、西班牙叉烧、粟米墨鱼饼、牛胸爽、猪粉肠，呢啲都劲吸引。最后，🍮甜品杨枝甘露冰清爽可口，完美解腻💛饮品方面，日本生啤买一送一😱，清爽解渴，而冷泡白桃乌龙茶则带有淡淡果香，十分提神解辣。整体来讲，呢间餐厅真系值得推介嘅💙