囍源古早蛋糕 (已結業)

两星期前发现呢间囍源古早蛋糕，买咗三件唔同口味嘅古早蛋糕同同事分享之后，大家都念念不忘，因为佢真正做到黄金边黄金底，而且低糖少油，我就觉得好适合屋企嘅老人家同小朋友食，于是今日又拉大队嚟买其他唔同嘅口味返去试！是日口味不能尽录，真系有好多选择，店主话星期五同周末会推出较多口味，所以又要一轮内心嘅挣扎，因为款款都咁吸引！老板特别推介呢个芋泥味，话最近改良咗自家制芋泥馅嘅配方，芋泥系用泰国芋头打蓉而成，所以特别香同滑。既然屋企人又钟意食香芋味食品，所以决定试吓呢个改良版芋泥古早蛋糕。芋泥馅带有光泽，目测已经睇得出特别滑，而且仲有流心嘅效果，芋泥馅嘅厚度成一厘米咁厚，轻轻一压啲馅就爆晒出嚟，不得了呀😱果然食落真系好滑口，配合古早蛋糕嘅蛋香，真系好惊喜好高质呀！脏脏朱古力面层洒上大量朱古力粉，中间一层朱古力夹心，令到整个蛋糕充满浓郁嘅朱古力味之余又仍然做到少甜嘅效果，真系啱晒屋企嘅小蝗虫！我比佢哋清洁双手之后就直接用手拎嚟食，因为蛋糕面洒上大量嘅朱古力粉，所以蛋糕好食之余连只手指都一样咁好食🤣，食到最后一定要啜埋手指先叫圆满！而我就好钟意呢个红豆蓉古早蛋糕，啲红豆蓉馅真系爆晒出嚟！囍源嘅自家制