喜記避風塘炒辣蟹 (謝斐道)

营业中

休息中

自问超级海鲜控，突然好想食避风塘炒蟹，点算？我同朋友第一时间谂起呢间位于谢斐道嘅喜记，对我哋来讲地点又方便，味道又无可挑剔，心动不如行动，立即订位。系时候讲下令我哋吮指回味嘅食物啦😋😋招牌避风塘炒辣蟹 招牌就系招牌，真系不得之了，啖啖肉，蟹肉饱满结实，辣味完全唔会抢味，反而吊起蟹嘅鲜味，蒜香十足，个炸蒜好酥脆，用来捞饭一流。椒盐大濑尿虾真系好大只，炸到好脆，好惹味，真系连壳都脆㗎，食食下觉得唔够喉添豉椒炒蚬食海鲜又点少得炒蚬，虽然系大路嘢，但系呢间处理得一啲都唔马虎。蚬肉粒粒都肥美饱满，椒汁裹满啲蚬肉，好滋味。喜记烧鹅烧鹅又系一绝，皮脆肉滑，无得顶虫草花螺片鸡脚汤全部煎炸嘢？无有怕，呢个炖汤帮我哋滋补返。虫草花增强抵抗力，螺片滋阴，鸡腿就骨胶原满满，重点一啲都唔油腻。细心位，有个铁桶俾我哋装骨，唔使搞到成枱壳，抵赞。尽兴而归，好满足呀！