更多
2021-11-18
312 浏览
最近呢间日日香鹅肉饭店开多咗好多分店,今日过嚟淘大攞啲嘢俾朋友,所以就约咗嚟呢度嚟试吓。原来呢间日日香系专卖狮头鹅,记得阿妈讲过狮头鹅系贵好多,今日有机会试吓有咩唔同。二人套餐相对地抵食又够丰富,所以我哋就拣咗A餐。原盅老火炖汤凭着佢嘅颜色已经睇得出真材实料。入面有乌鸡、桂圆、虫草花煲瘦肉,非常滋补又够养颜。招牌鹅肉虽然只系例牌,但份量一啲都唔少,而且佢嘅肉质真系特别香同滑,肥瘦适中,再加埋下面有少量豆卜,配合佢嘅卤水汁真系特别好食。虽然我觉得原汁原味就已经够好食,但枱上面仍会放着醋同卤水汁,钟意浓味啲嘅可以再自行调味。餐厅内嘅电视仲会播放住建议食法,跟住佢食就更加食得出潮州风味。套餐可以自选两款小食,我哋就拣咗猪手同猪腩肉,猪手切成厚片,令口感更佳;而腩肉嘅选材肥瘦分明,加上用卤水烹调后令腩肉变得更加鲜味。白灼生菜亦都加咗卤水汁,味道唔会太寡亦唔会过咸。卤水鹅就一定要配白饭,真系忍唔住清晒成碗饭!
3 浏览
0 赞好
0 留言
0 浏览
0 赞好
0 留言
张贴