肯德基家鄉雞 (KFC)

营业中

休息中

好耐都冇去过肯德基食嘢 ， 今日一早谂唔到食乜早餐， 路过肯德基睇下有咩早餐食 ，二十几蚊有一个早餐 ，好多茶餐厅都做唔到啦！ 当然就唔可以要求咁高。叫咗一份28个半嘅早餐，有酱烧鸡扒 ，半份牛油多士 ，肠仔， 炒滑蛋，仲有一杯热嘅蜜糖绿茶。 鸡扒系几好食嘅 ，都算好滑 ，入边都有肉汁 ， 始终都系肯德基，所以啲鸡都唔会差得去边 ，不过呢炒滑蛋就唔算好滑， 比较炒得老咗少少， 肠仔就唔知系唔系鸡肉肠， 不过就比较普通 ， 块多士都系新鲜整出嚟嘅仲热热地都算唔错， 我钟意杯绿茶，好香蜜糖味再加浓嘅绿茶味，其实三十蚊有找，我觉得真心系好嘅！