Wildfire (已結業)

之前同男朋友在上年圣诞节去过赤柱果间Wildfire食晚餐，印象很好，野食好味之余，环境都好优美。而且我地都好钟意食Pizza既，所以成日心思思想食多次。今个星期日我地去完铜锣湾ikea，就去左世贸行下街。见到customer service果度有张wildfire既买一送一优惠券。正呀，就食呢间啦！但系又要八点后先用得，唯有再行多阵先。终于可以入座啦！环境都唔错，唔算话好静，但系都几宽落既。我地叫左个水牛芝士pizza。(我系芝士狂热黎架!!) 个批系薄既，又脆，所以两个人share都唔会太滞。而且可以玩拉芝士丝!!哈哈!!另外就叫左个大虾意粉，唔错既，但个人比较钟意pizza。食完主菜点都要食下甜品先完满架吗！我地叫多左个dessert set，都有几多款可以选择。我地就要了芝士蛋糕配车厘子、云尼拿雪糕。芝士蛋糕系「实」果种，好香芝士味，加上车厘子正呀！(车厘子唔系药水味果d黎架!)总括黎讲呢餐真系几抵！其实晚餐系铜锣湾食一d都唔平，今餐我地两个都系食左300几蚊，又好味。