大家樂

营业中

休息中

睇完戏之后就揾地方食lunch，但周围啲地方都好多人，咁我就去咗大家乐，应该冇咩人，我真系唔想等太耐呀。。去到大家乐睇完水牌，每一次都好似选择困难症咁唔知自己想食乜，最后决定食炸鸡髀，但一只炸鸡髀又好似唔系好够饱，咁佢搭𠮶啲set又好似唔系好啱食咁，咁就最后决定叫多个特色三文治餐啦！大家乐嘅炸鸡髀一直比我嘅感觉都系古早味，用万年油炸到只鸡髀黑黑咁，个皮劲脆，鸡肉都好够味，好有儿时嘅味道！至于个特式三文治，其实系鱼柳包，但夹咗好多菜落去，块鱼柳炸得好脆，但d鱼肉好淋，个面包系新鲜整嘅，但唔知点解咬落去好韧，好一般，早知食公治好过！因为有两个餐嘅关系，所以都有两杯嘢饮，但我真系饮唔晒，浪费咗。