大家樂

营业中

休息中

意大利燴牛肉飯$40推出了幾日，開頭都會擔心中伏，但食落真係唔差，隻汁真係用牛肉煲過，有濃郁牛肉味，非常鮮甜。牛肉亦煮得夠火候，炆得夠晒軟腍，非常入味，好似牛腩，值得推介抵食午餐。

最近見到大家樂賣咖哩的新廣告，實在不堪入目到一個點，不過其焗飯向來都是有水準的。今次小人試的乃是龍蝦汁珍寶魚柳焗飯。擺盤就是一條魚柳加一兜焗飯，簡單直接。先說魚柳，不是說笑，勁長勁大條，真的足有一呎長！而且魚肉不是很薄，亦有一定厚度。炸層未算十分厚，脆脆的夠香口，食完也沒有壓迫的油膩感。魚肉沒有雪味，是合格的。至於龍蝦汁焗飯就是一貫的美味焗飯；龍蝦汁味道夠濃，份量亦多，足夠佐完整兜焗飯。果然是焗飯界的一哥，是焗豬飯的另外一個好選擇。

開心星期五當然要食好點，正當考慮緊食什麼的時候，路過大家樂，發現新產品，招牌焗 ～ 龍蝦汁珍寶魚柳焗飯，單售 $49，套餐$56 配茶/啡/汽水，喜歡焗飯嘅我當然要試試看。魚柳超級大塊，炸到金黃香脆，價錢便宜，整體不錯。

大家樂嘅一哥焗豬扒飯，真係由細食到大，滿滿回憶招牌一哥焗豬扒飯$47大大塊、超厚身嘅豬扒，佈滿香濃嘅蕃茄汁，仲有蘑菇，青豆，菠蘿，洋蔥，粟米和蕃茄，配炒飯底，每次食都大大大滿足

焗豬扒飯絶對是港式焗飯中的極品，快餐店、茶記，餐牌上永遠會有其蹤影。厚切的豬扒、誘人的橙色茄汁、半溶的芝士、軟腍的洋蔥及炒飯底，總叫人又愛又恨，今次又是久不久要來一次的午飯。焗飯的餐飲加了七個大洋跟例湯，今次的例湯乃木瓜花生唐排湯。木瓜花生這個組合相信可算是一個家常靚湯，以豬肉提升湯水的鮮甜味，喝得出沒加味精，鮮甜不油，滋潤味美。食大家樂的「一哥焗豬扒飯」，其實有一半是吃它的味道，另一半是想食番兒時回憶！這個飯食了十幾年，雖然豬扒細塊了，厚度又薄了，但仍然以連骨仍叫厚切的豬扒製作主菜，茄汁則用上番茄、西芹、洋蔥熬成，配料包括青豆、菠蘿、蕃茄都好夠好好味！還有大量芝士，焗出來香噴噴！焗飯好香，飯夠乾身，而且份量好大一定夠飽。唯一美中不足之處就是醬汁太少，食到一半已經沒有汁撈飯了！由小時侯十多元一個飯，轉眼間食到現在已經漲價到四十幾元一份連餐飲，算是性價比幾高的了。常不時間中食下都不錯！

返工早左落車，見仲有時間，就食個Breakfast先返工啦，所以黎左大家樂炭返個靚早餐先。叫左個雞扒餐肉麵，個麵就應該係用左「福」字麵底，而個湯底都係同樣用左「福」字面味粉。午餐肉算係厚切，所以都好有咬口，而且肉質都有層次質感，唔會話一咬就糊哂。雞扒就有煎過先，所以都算香口，但係較為不足的地方係D麵放係個湯入面浸得耐左，所以D麵係比較淋既。大家樂既熱飲，我就推介熱奶茶，因為佢冇一般快餐店咁個茶底苦，而且入口都順滑。

天冷最好來一個牛肉.豚肉麻辣火鍋趕時間但都可以有個一人火鍋時間一牛一豬不過不失另加魚蝦滑雖然肉質有少少散但蝦有鮮味欣賞待應姐姐好快手一見有鍋物就好快預備好個爐！

今日經過荔枝角, Lunch 時間周圍餐廳都係人, 一個人食野真係頭癢😕 諗唔到食咩好，但冇咩要求最緊要方便同快，於是黎左長沙灣廣場食大家樂！lunch 時間呢度都係多人, 但堂食黎講都唔算難搵位, 相信係因為好多人都係外賣拎番office 食～ 收銀落單排一陣隊就落到單, 姐姐熟練既落單技巧真係值得欣賞💁🏻個個一埋到黎就自動波講出今日食咩野, 係咪會員, 八達通比錢; 水吧位出貨都快, 等5分鐘左右啦就有得食；食大家樂黎講, 咖喱牛腩同焗豬真係冇得輸, 水準其實間間都差唔多, 而且個人認為係好食, 今日都點左個焗豬, 收銀姐姐話送多杯檸樂比我, 唔知係咪因為我靚仔, 巧Kai鮮! 😊😊😊今日食既焗豬都係一貫既水準, 茄味夠, 有菠羅粒, 都幾開胃, 個飯底食到蛋絲都幾香, 豬扒夠腍, 仲有姐姐送比我既檸樂🥤🥤個人認為30-40$ 價錢冇得輸囉

第一次吃這快餐店的全日早餐。全日早餐有兩款，分別是麥蘆卡蜜糖雞扒全日早餐（ $43 ）和即煎大牛扒全日早餐（ $47.5 ），我吃的是雞扒。這全日早餐包括：雞扒：根據餐牌，這是麥蘆卡蜜糖雞扒，但其實和這店平日的洋蔥汁雞扒完全沒有分別，不過也沒所謂，因為這兒的洋蔥汁不俗，雞扒煎得嫩滑。炒蛋：蛋炒得滑滑的，味道也好。煙肉：煎得太乾，又或許是炸過的，吃的時候肉質有點乾。茄汁豆：就是罐頭茄汁豆。蕃茄：蕃茄味比較淡。薯餅：碟上的不是薯餅，是薯角，薯角要外脆內軟才好吃，這薯角外面不脆。煎多士：似乎是麵包沾了少許蛋液，然後略煎，一般。這早餐的雞扒和炒蛋味道原本是不錯的，可是不知為什麼，我們購票後等了很久才可以拿取，吃的時候食物全都不夠熱度，全只是微溫，所以口感和味道都大打折扣。至於飲品，我點了熱鴛鴦少奶，水準也是一般。

睇完戲之後就搵地方食lunch，但周圍啲地方都好多人，咁我就去咗大家樂，應該冇咩人，我真係唔想等太耐呀。。去到大家樂睇完水牌，每一次都好似選擇困難症咁唔知自己想食乜，最後決定食炸雞髀，但一隻炸雞髀又好似唔係好夠飽，咁佢搭嗰啲set又好似唔係好啱食咁，咁就最後決定叫多個特色三文治餐啦！大家樂嘅炸雞髀一直比我嘅感覺都係古早味，用萬年油炸到隻雞髀黑黑咁，個皮勁脆，雞肉都好夠味，好有兒時嘅味道！至於個特式三文治，其實係魚柳包，但夾咗好多菜落去，塊魚柳炸得好脆，但d魚肉好淋，個麵包係新鮮整嘅，但唔知點解咬落去好韌，好一般，早知食公治好過！因為有兩個餐嘅關係，所以都有兩杯嘢飲，但我真係飲唔晒，浪費咗。

之前經過大家樂見到新出抹茶西多士，但有啲擔心抹茶醬同西多士會勁奇怪，後來有個吃貨朋友向我狂推介話好食，咁岩下午請左假有野搞，就順便試下，抹茶西多士 + 細份沙律 + 低糖凍綠茶，然後見到可以加$7要碗香芋紫米露喎，我本身好鍾意食紫米露，加上咁抵食！佢西多士用圓鐵板上，成件事高級左，熱辣辣，一切開，啲抹茶醬流曬出黎，馬上放入口，個抹茶醬其實真心唔錯，唔死甜，帶些少抹茶香，西多士好食，真係無諗過抹茶醬西多士都幾出色啵！但一望個鐵板，嘩！油浸咁勁多油呀！雖然我知係油炸，但我未食過咁過份，之前食開既西多士都唔會油浸咁誇張，多數既都乾身帶少少油亮面，好靚仔。然後我同朋友講，佢就話次次荃灣食，次次都係乾身，未試過多油到咁誇張，所以我就當只係特別呢間分店既問題。值得一讚係個香芋紫米露，甜度剛好，椰汁既比例又剛好，呢碗糖水好好食，出面既糖水舖，一係太甜，一係太稀。

在疫情下大家樂推出抗疫價蒸飯一款$38, 雖然只係一款但以呢個價來講, 有兩條菜(多一條會更覺誠意) ,半邊咸蛋(有起油) ,還有飲品, 蒸飯份量唔算大, 不過都算係交足功課, 味道又唔太差, 只能說"做人要知足", 當日所見, 現場還是跟足防疫指引, 大家都有足夠距離空間, 相對某些小店大集團有比較充足資源同空間,

今日想飲紅豆冰和試試新推出的華田流心西多士，於是要了個紅豆冰配雞翼、華田西多士套餐。紅豆冰紅豆份量比較少，奶比較多，加上冰太多，所以不夠甜，麻麻華田流心西多士多士不夠熱，外層麵包很韌，毫不香脆，還有點油益味。阿華田煉奶沒華田味道，跟普通煉奶味道差不多； 阿華田流心醬很多，但同樣沒華田味，甜度又淡，有餡等於無餡，而且流心餡的堅果粒的益味非常強烈。第一次食到堪稱難食的西多士，好不容易吃了半塊，放棄。雞翼? 跟令人心灰意冷半份西多，一併推給男友消滅，男友的評價就是: 雞翼正正常常囉，西多士好難食。唉，它的質素真是每況愈下喔！

農曆年初一沒有去任何親戚家裡面拜年，只有妹跟妹夫一家人來到拜年，所以沒有太大的利是收穫。加上阿媽向來喜歡在年初一中午食齋，所以我急需要在晚上，尋找還有營業的食肆食晚飯。於是我在下午坐車前往長沙灣戲院，購買晚上看電影的戲票之後，我在長沙灣裡面尋找還有營業的食肆和享用晚餐。我發現農曆新年期間，九龍還在營業的食肆，始終還是集團連鎖食店為主。例如在「長沙灣廣場」樓上的集團連鎖餐廳「大家樂」，就是最佳的例子。不過受制於香港最近的遭遇，所以長沙灣裡面的人，比我預期之中稀少得多，長沙灣分店「大家樂」裡面竟然還有大量座位沒有人坐。所以即使長沙灣分店「大家樂」沒有專人送餐服務，但是食客自己一個人攜帶自身財物，離開檯櫈位置，再來回廚房櫃檯領取食品，攜帶食品返回座位的時候，也不需擔心座位會被其他食客佔據。另一方面，我本來有考慮過購買「大家樂」的一人火鍋套餐，可惜「大家樂」的一人火鍋套餐食材裡面，偏偏沒有能夠同時兼顧雞肉跟牛肉，所以我只能無奈放棄「大家樂」一人火鍋套餐。至於「大家樂」的版本鐵板餐，「咋咋淋鐵板大餐」裡面有一款名稱叫做「惹味非洲雞扒 · 和牛漢堡 · 粟米鐵板」，看似能夠符合我晚餐，一定要同時食

晚餐黎大家樂食，都係貪方便，平，快😂今晚呢個鐵板牛肉，($70) 我覺得都幾正。鐵板夠熱，一落汁，就勁大聲，炸得超勁，好爽的感覺。而牛扒下面放左d洋蔥，覺得呢d洋蔥先係重點，好香口！又吸左d牛扒既味！個牛又唔會太硬，一咬就ok，冇咩筋。不過覺得個黑椒汁有d油，所以我都冇落哂。個薯仔沙律係要另外加$8的，普普通通甘。酥皮湯個酥皮都幾好食，夠脆，放落d湯度一齊食勁正！整體黎講，呢個價錢，呢個質素都係抵架！呢間環境都ok，位置夠多😆👍🏻