張公子

营业中

休息中

今日放假約爸爸去觀塘駿業街張公子飲茶。張公子的環境不錯，裝飾具中國風。張公子的點心有水準，水滾茶靚，是和家人朋友飲茶的好地方。推介生拆蝦餃皇，大大粒，皮薄饀靚，蝦肉彈牙，皮煙韌。蟹子蒸燒賣都好食，又係大大粒，豬肉和蝦肉的餡結實有鮮味。金網香芒鮮蝦卷香脆美味，蝦肉甜，和酸甜的芒果很夾味，配埋個醬更正。鵝肝金荀咸水角有特色，賣相可愛似紅蘿蔔，餡有蝦米肉碎冬菇和鵝肝，好食。鴛鴦臘腸卷夠懷舊，唔係成日食到，是爸爸至愛，爸爸好欣賞，話好食有風味。我鐘意公子招牌腸粉，腸粉包住網香脆脆，香菇和蔬菜絲，食落有口感，不肥膩。爽滑薑汁糕健康好食，薑味不太濃，少甜。店服務不錯，價錢合理。