影片
更多
2023-02-24
206 浏览
今年生日飯揀咗 @rakuteppanyaki 食海鮮鐵板燒，大滿足🫰🏻平時好少過九龍，估唔到佐敦卧虎藏龍，有間咁出色嘅Teppanyaki 👨🏻🍳主理人樂師傅係海膽達人，好多菜式都有海膽元素，姐都食過好幾間正嘢鐵板燒，呢度嘅菜色係精緻啲，非常IGable❤️點咗二人「十八層海膽杯A5和牛廚師發辦」，份量非常多，我係飽到行唔郁，每一道各有特式。以下打星星係本餐最愛⭐🍏 青蘋果蟹籽沙律非常清新，青蘋果係用小匙羹刮出嚟，唔係平時嘅粒狀，口感特別。⭐ 十八層海膽杯北海道紫海膽＋沖繩海葡萄＋白飯魚脆片＋黑魚子＋帆立貝＋其他時令海鮮撈勻一齊食，鮮味大爆發，第一道菜已經嘩一聲！⭐鮮香鴛鴦澳洲龍蝦驚喜！平時食龍蝦鐵板燒多數用牛油香煎，樂師傅整咗龍蝦膏海膽牛油醬意粉+海膽醬芝士焗龍蝦兩食！超。級。濃。味。龍蝦飽滿多汁又彈牙，勁滋味！🎣 柚子胡椒脆皮煎白鱔白鱔肥美彈牙，秘製醬汁鮮甜，外皮煎到脆餅咁，好味！🐚海膽帆立貝原始燒北海道帆立貝厚身彈牙，以清酒、牛油燒原汁原味，配蟹肉、蟹籽口感唔錯～ 最正係上菜時有團火圍住個貝殼，打卡一流～🍋日本活鮑魚配西檸肝醬用咗大大隻 #哈夷鮑 ，肉質彈牙但唔韌，火候控制得好
平時好少過九龍，估唔到佐敦卧虎藏龍，有間咁出色嘅Teppanyaki 👨🏻🍳主理人樂師傅係海膽達人，好多菜式都有海膽元素，姐都食過好幾間正嘢鐵板燒，呢度嘅菜色係精緻啲，非常IGable❤️
點咗二人「十八層海膽杯A5和牛廚師發辦」，份量非常多，我係飽到行唔郁，每一道各有特式。以下打星星係本餐最愛⭐
🍏 青蘋果蟹籽沙律
非常清新，青蘋果係用小匙羹刮出嚟，唔係平時嘅粒狀，口感特別。
⭐ 十八層海膽杯
北海道紫海膽＋沖繩海葡萄＋白飯魚脆片＋黑魚子＋帆立貝＋其他時令海鮮撈勻一齊食，鮮味大爆發，第一道菜已經嘩一聲！
⭐鮮香鴛鴦澳洲龍蝦
驚喜！平時食龍蝦鐵板燒多數用牛油香煎，樂師傅整咗龍蝦膏海膽牛油醬意粉+海膽醬芝士焗龍蝦兩食！超。級。濃。味。龍蝦飽滿多汁又彈牙，勁滋味！
🎣 柚子胡椒脆皮煎白鱔
白鱔肥美彈牙，秘製醬汁鮮甜，外皮煎到脆餅咁，好味！
🐚海膽帆立貝原始燒
北海道帆立貝厚身彈牙，以清酒、牛油燒原汁原味，配蟹肉、蟹籽口感唔錯～ 最正係上菜時有團火圍住個貝殼，打卡一流～
🍋日本活鮑魚配西檸肝醬
用咗大大隻 #哈夷鮑 ，肉質彈牙但唔韌，火候控制得好好；西檸肝醬帶酸，第一次試醬幾特別
🦀 Mirror火焰海膽甲羅燒
上菜時以閃火紙包住，又係打卡時間！日本松葉蟹肉質鮮甜，撈埋大量蟹膏、海膽同三文魚子、黑魚籽點薯片食，好玩好睇又好食
🍆 五色燒野菜
食咗咁多濃味海鮮，食返少少蔬菜清清味蕾！
⭐ 水豚腩肉荔枝
一咬就爆荔枝汁，好清甜！師傅大手筆採用日本佐賀縣零污染高山牧場飼養嘅名水豚，呢種豬豬可以話係「豚肉中嘅和牛」，不帶腥臭、脂肪甘香、肉質鬆化、入口即溶！我可以想像到佢個豬腩會好正！
🐄 沖繩A5石垣牛
石垣牛都唔需要多解釋，好味唔膩，越食越香
🦆 香煎鵝肝
煎到金黃嘅鵝肝入口即溶，今次配米餅都幾夾
🍚 日系炒飯
蘭王雞蛋+日本椰菜+棚田米，炒飯粒粒分明金黃，蛋香濃郁！好飽，但都要食！
🍵 特色紙包花膠蜆湯
先以2小時燉製再以「耐高溫玻璃紙」密封烹煮，鎖住花膠同蜆嘅精華。燉湯冇添加任何調味料，每啖鮮、鹹、香都來自食材本身，以熱辣辣嘅燉湯作結，非常滿足。
🍨白家製甜品
登登登凳！勁呀呢個，先嚟香脆多士，再加海膽雪糕！雪糕有Frozen 海膽同爆。炸。糖！最尾一啖用紫蘇葉包住一齊食，真係無係第二度見過~
通常睇我打幾多字就知間野係咪超好食，呢篇忍唔住打左一千字呀哈哈哈，因為真係值得推介！太好味喇 💫🌟✨
张贴
