瀧宴日本料理

营业中

休息中

因为继续放假，持守承诺，继续留港消费，振兴经济！ （虽然，我应该都唔系好做到啲乜嘢，但系多帮衬楼上铺，就可能会令到啲楼上舖持续营业多一阵）今日要出一出铜锣湾搞啲银行嘢，所以揾左间未食过嘅日本嘢试吓，上到到去第一下俾个开扬景震摄住。服务员问我哋想坐紧窗边定系铁板位，我哋犹豫咗一阵，拣咗个铁板位。因为都可以望到铜锣湾海旁及维园景（放弃咗望大球场𠮶边）。我见佢有几个lunch set，所以拣咗个性价比望落比较高嘅（$450左右有九道菜。我见一件寿司都成$100左右，所以最后放弃咗散叫，叫咗个lunch set)个人觉得食物还可以，与价钱成正比。但最重要嘅系食个「景」，拍得住去回转餐厅食饭个景。虽然平日下午维园冇乜人，好似冷清咗啲，但系可以是一个好唔错嘅Me Time。可能，下一次嚟望住景，饮杯酒，都应该唔错。