影片
更多
2024-09-02
9853 浏览
最近工作压力太大，今日俾自己放纵吓，放一日假抖抖，今日晏画行经铜锣湾，记得曾经mark低过一间好想试嘅日本铁板烧就在铜锣湾糖街，于是走去试吓呢间嘅午餐先。一入到呢间餐厅，俾佢个无敌兼居高临下嘅景色吸引住对眼球👀，可以望到全维港景色兼整个维园景，净系个景已经加晒分喇。今日试食咗个$488午餐，足足有9道菜，呢个价钱极为吸引。➰ 季节前菜 （烟熏吞拿鱼沙律）两件厚厚兼肥美嘅吞拿鱼刺身，既有浓浓嘅烟熏味，再配以师傅自家制嘅蒜蓉酱，同埋同埋炒制过嘅紫洋葱，提升咗口感层次，使到味道更加丰富。➰ 季节刺身二款 （深海池鱼+吞拿鱼赤身）深海池鱼肉质鲜嫩，口感细腻，而吞拿鱼赤身则带有淡淡的油脂香。➰ 精选寿司2款 （伊佐木寿司 + 鲷鱼寿司）伊佐木寿司口感细腻，鱼味浓郁，带有鱼油的芳香，滑而不腻。而黑松露鲷鱼寿司同样系肉质滑嫩，加埋黑松露的香气嘅融合，口感极为丰富，层次分明。➰ 香煎法国鹅肝师傅把鹅肝煎到外焦里嫩，口感细腻，油而不腻，搭配埋意大利陈醋汁的酸甜，能中和鹅肝嘅油腻感，再加埋师傅特别腌制过嘅日本黑豆，口感甜甜哋，更可解腻。➰ 香草牛油帆立贝师傅用少许牛油把帆立贝煎香，肉质够鲜嫩，口感好Q弹，
一入到呢间餐厅，俾佢个无敌兼居高临下嘅景色吸引住对眼球👀，可以望到全维港景色兼整个维园景，净系个景已经加晒分喇。
今日试食咗个$488午餐，足足有9道菜，呢个价钱极为吸引。
➰ 季节前菜 （烟熏吞拿鱼沙律）
两件厚厚兼肥美嘅吞拿鱼刺身，既有浓浓嘅烟熏味，再配以师傅自家制嘅蒜蓉酱，同埋同埋炒制过嘅紫洋葱，提升咗口感层次，使到味道更加丰富。
➰ 季节刺身二款 （深海池鱼+吞拿鱼赤身）
深海池鱼肉质鲜嫩，口感细腻，而吞拿鱼赤身则带有淡淡的油脂香。
➰ 精选寿司2款 （伊佐木寿司 + 鲷鱼寿司）
伊佐木寿司口感细腻，鱼味浓郁，带有鱼油的芳香，滑而不腻。而黑松露鲷鱼寿司同样系肉质滑嫩，加埋黑松露的香气嘅融合，口感极为丰富，层次分明。
➰ 香煎法国鹅肝
师傅把鹅肝煎到外焦里嫩，口感细腻，油而不腻，搭配埋意大利陈醋汁的酸甜，能中和鹅肝嘅油腻感，再加埋师傅特别腌制过嘅日本黑豆，口感甜甜哋，更可解腻。
➰ 香草牛油帆立贝
师傅用少许牛油把帆立贝煎香，肉质够鲜嫩，口感好Q弹，再配以师傅特制嘅海苔汁，而海苔汁嘅味道令到整体口感更加爽口。
➰ 野生大虎虾
师傅用牛油把沙巴大虎虾煎到好香口，而虾肉够晒鲜甜味美，虾头好香脆兼好多虾膏，牛油味又够香浓。
➰ 美国顶级牛肉
师传选用咗顶级美国牛柳，把牛柳煎到5成熟，肉质够晒弹牙多汁，重有好香嘅牛肉味添，再配以师傅自己炸嘅蒜片，再加埋岩盐，简直好味到难以形容。
➰ 铁板炒饭配海带面豉汤
呢个炒饭好多配料，包括有樱花虾、葱粒、蒜粒、蛋等等，师傅把饭炒到好香，而且够干身兼粒粒分明，食落口感好丰富。
而海带面豉汤够晒热，兼料子十足。
➰ 炒杂菜
师傅用咗芽菜、椰菜、青葱同埋紫洋葱嚟炒，再捞埋师傅自家制嘅蒜蓉酱嚟食，够晒香口兼惹味。
张贴
