影片
更多
2023-10-05
1542 浏览
今次去咗屋企附近一间新开嘅西餐食lunch，呢间餐厅之前系土瓜湾搬咗尼湾仔。新店面向大路嘅方向采用咗落地玻璃，虽然当日天气唔好又落雨，但餐厅仍然十分光猛舒适，面向嘅大街，星期六并无好繁忙，系中午12点左右亦难得有一份闲适。今次嘅午餐系一个3-course set，因为我哋有3个人，所以拣咗3款唔同嘅main dish share尼试下。至于前菜就有得拣soup of the day，seafood tartare同Caesar salad。当日嘅汤系一个用蕃茄做风味嘅墨西哥烧茄子甜椒汤，先将茄子同甜椒烧过再加入洋葱蕃茄打成。食材烧过而带出咗一种烟薰嘅香甜，同蕃茄嘅酸味形成一种平衡，少许嘅辣味来自于墨西哥嘅Chipotle ，酸 甜 辣，呢个汤系一个非常开胃嘅前菜。至于Seafood Tartare就用左新鲜三文鱼同呑拿鱼，将佢哋dice咗, 加上切成同样大小嘅车厘茄同牛油果粒, 入口感觉各种新鲜食材融合为一, 口感和谐。结果论，我都系更钟意佢个汤😋去到重头戏，主菜！我哋分别拣咗佢哋自家熟成咗45日以上嘅Rib Eye Steak，Carbonara同Sashimi-Grade Salm
新店面向大路嘅方向采用咗落地玻璃，虽然当日天气唔好又落雨，但餐厅仍然十分光猛舒适，面向嘅大街，星期六并无好繁忙，系中午12点左右亦难得有一份闲适。
今次嘅午餐系一个3-course set，因为我哋有3个人，所以拣咗3款唔同嘅main dish share尼试下。至于前菜就有得拣soup of the day，seafood tartare同Caesar salad。
当日嘅汤系一个用蕃茄做风味嘅墨西哥烧茄子甜椒汤，先将茄子同甜椒烧过再加入洋葱蕃茄打成。食材烧过而带出咗一种烟薰嘅香甜，同蕃茄嘅酸味形成一种平衡，少许嘅辣味来自于墨西哥嘅Chipotle ，酸 甜 辣，呢个汤系一个非常开胃嘅前菜。
至于Seafood Tartare就用左新鲜三文鱼同呑拿鱼，将佢哋dice咗, 加上切成同样大小嘅车厘茄同牛油果粒, 入口感觉各种新鲜食材融合为一, 口感和谐。
结果论，我都系更钟意佢个汤😋
Soup du Jour
71 浏览
0 赞好
0 留言
去到重头戏，主菜！
我哋分别拣咗佢哋自家熟成咗45日以上嘅Rib Eye Steak，Carbonara同Sashimi-Grade Salmon。
先讲下条鱼，由于呢条Sashimi-Grade嘅三文鱼有用盐曲(Shio Koji) aged过，再加上先慢煮再煎香嘅煮法，所以本身软糯嘅口感又再被赋予juicy又丰富嘅油脂香气，既满足到刺身级嘅口感又满足到煎三文鱼嘅香气。入口就系一种感动！厨师再另外将鱼皮喺料理条三文鱼之前先起咗出嚟，然后煎到香脆，同松软嘅鱼肉产生强烈对比，算得上presentation同食感都十分唔错嘅一道Main dish👍🏻
Shio Koji Aged Sashimi-Grade Salmon Mi-cut
95 浏览
0 赞好
0 留言
Carbonara用咗传统嘅煮法，冇加任何cream纯用蛋黄同芝士嘅传统做法，喺最后阶段将意粉离火乳化, 口感绵滑粘腻。
Carbonara Iberico
85 浏览
0 赞好
0 留言
牛扒不得不赞实在系肉味香浓，我哋叫咗Medium-Rare嘅熟度，佢哋自家熟成嘅技术令到牛扒肉味浓缩咗到可以称得上系舌头上绽放嘅程度，入口一刻味道大为惊艳！ 虽然熟成令到牛扒口感冇平时咁有嚼劲，但浓烈嘅牛味加上较为柔软嘅口感可算得上为奇妙地相衬嘅配搭🤝🏻
总括而言主菜3款我都十分满意🤌🏻
45+ Days Dry-Aged USDA Prime Rib Eye Steak
100 浏览
1 赞好
0 留言
差啲忘记咗佢好特别嘅side dish。
分别系用芹菜头打成茸整成嘅Mashed potato, 同用各种Grilled vegetable，例如红萝卜等等切碎打成茸整成嘅Mashed potato，形成两种完全唔同风味嘅配菜，虽然都系薯泥但系完全唔同感觉唔同味道，配搭起鱼同牛都展示出唔同嘅层次。
虽然喺呢一个course里面包埋coffee or tea，但系实在太饱啦，决定留返个胃比甜品Tiramisu！
甜品相对而言比较普通，但配合整个course, 为各种咸味补返一点甜同苦, 刚好攞返个平衡。
Tiramisu
56 浏览
0 赞好
0 留言
总结就系今次呢个午餐食得十分尽兴，食物味道超出我预期，course与course之间以及side dish嘅配搭非常配合。整体环境舒适休闲，员工非常友善，餐点之间嘅介绍详尽易明。令我好期待下次再来体验午餐或者晚餐！
张贴
