豐信餃子店

营业中

休息中

平时屋企都会包饺子食，不过最近返工太忙都好少落厨呢～今次嚟到朋友介绍嘅饺子店，虽然舖头细细，入面嘅位置唔多，但系就有唔同口味饺子选择。小食我哋叫咗一份凉拌海蜇，清爽可口，好入味呢～饺子我哋叫咗两份七只嘅双拼，可以一次过食晒四种唔同味道呀！四种饺子入面，最钟意芝士粟米鲜肉饺，衬热食少少拉丝感，芝士控一定要食呀～而紫甘蓝粟米鲜肉饺，味道清甜，仲好爽脆呢～素饺嘅口感和味道都好丰富架，材料就有云耳、雪耳同冬菇。最后嘅椰菜鲜肉饺，就有菜又有肉，同素饺一样够晒健康，煎埋嚟食yumyum～呢度嘅饺子皮薄馅靓，粒粒都真材实料涨卜卜架，而且仲好有住家嘅感觉而饮品价钱都好抵，有豆浆、菊花蜜、甘草茶等，仲有纸包饮品同汽水，我哋今次就饮柑桔蜜同菊花蜜呢～ 如果过嚟食嘅话，记得要预多少少时间等位呀～