餃掂手工餃子雲吞專門店

营业中

休息中

我都幾中意食餃子, 做正餐又得, 宵夜又得,  但多數係屋企整急凍既。可能食開D大牌子急凍餃, 一食之下覺得哩度D餃子完全兩回事, 好鬼好食。首先好多選擇, 有蒸有煎仲有多款口味, 傳統D既菜餃或者新式D既松茸, 芝士味都有, 連醬汁都有好幾款。煎餃叫左至🥟尊松茸豬肉煎餃🥟同埋🥟壽喜燒牛肉煎餃🥟即叫即煎新鮮熱辣, 皮脆卜卜好香口, 松茸豬肉餃豬肉香突出, 沾埋個有松茸碎既醬仲更加香!壽喜燒牛肉餃一咬落去爆汁, 壽喜燒既香甜加埋牛肉汁, 好正~湯餃就叫左🥟芫荽豬肉餃🥟中意食芫荽就嗌啦, 同煎餃一樣大隻飽滿又多汁! 至尊松茸餃同埋湯餃本身都跟 "狀元九鼎湯", 係魚湯黎好鮮甜, 飲完完全冇口渴。飲品有自家製山楂雪梨水, 大熱天時飲真係生津解渴。