豐信餃子店

营业中

休息中

疫情第五波以来都系家中自煮居多，难得出开去，就去咗太子一间人气饺子店买外卖返屋企叹吓，咁又可以煮少一餐！但系疫情之前日日排长龙，系咪真系咁好食呢？芝士粟米鲜肉饺 （$42 - 7只）入口味道好甜，但系好似食唔到芝士味，我以为自己叫错普通粟米鲜肉饺，味道唔错，皮薄馅多！食得出系新鲜制作。芫荽鲜肉饺 （$42 - 7只）加金沙酱（任何煎饺 +$15 可加配金沙酱）我本身系芫荽爱好者，不过我怀疑我只系钟意食生的芫荽，味道好似同我想像中有些不同，熟咗的芫荽香味就大大减弱，但芫荽份量都几多，芫荽爱好者可以一试。（任何煎饺 +$15 可加配金沙酱）煎饺上面放满金沙酱，邪恶视觉效果一流！试一试个金沙酱，唔知咩原因觉得味道有点怪怪，又好似同我想像中不太一样，所以我唔建议大家加$要金沙酱，加咗之后反而唔好食。罗汉果甘草茶 （$10支）- 甘甘地甜甜地，可以消除油腻感和煎饺的热气，值得买一樽解解渴。菊花蜜 （$10支）- 食完热气野真系要清清热气，再加上有疫情更加唔可以比自己喉咙痛啦！系菊花水加上百花蜜糖，味道清甜。