餃掂手工餃子雲吞專門店

营业中

休息中

今日去完西環飲咖啡，見飽飽地就求其搵咗一間餃子掂，首先裝修嚟㗎好骨子，一啲都唔馬虎，好寬敞之餘仲好乾淨衛生。我哋嗌咗一個涼拌粉皮，再加唔同味道嘅餃子，涼拌唔算太辣，加上埋花生碎特別惹味，而且粉皮滑身，個沖亦都唔會太搶口。跟住我就叫咗三個口味嘅煎餃，因為鍾意食熱氣嘢嘅關係，首先元貝豬肉餃好有驚喜，一絲絲嘅元貝配埋豬肉咬落去，口感清清地。之後嗌咗個濃味啲嘅芫荽豬肉煎餃，呢個餃子好Juicy，亦都好香芫荽味，簡直恰到好處。最後叫埋壽喜燒牛肉餃子，呢個真係可以encore再encore，首先壽喜燒嘅味道非常好味，而且牛肉好嫩，配埋出邊嘅煎皮真係襯到絕。