ASAP As Simple As Possible

营业中

休息中

今日有啲想试呢间见啲相几吸引咪试吓，价钱属中价位，而选择都算多。我叫咗个吉列黑豚滑蛋盖饭，炸粉厚薄恰到好处，唔会话厚到食粉咁，有肉汁唔算干，而且有猪肉味。至于咖哩味道略嫌淡，唔辣，除咗颜色之外感觉同水冇分别。至于块蛋就比较细块，连堆饭都遮唔晒，不过食落有浓郁既蛋味，味道亦唔会被咖哩同番茄汁遮盖咗，算系唔错，美中不足既系餐厅喺煮食方面既功夫唔系好够，每样食材都ok但只有烹没有调食落好似食紧3样𩠌咁，蛋，饭，咖哩同肉之间欠缺融合，有啲似自己屋企求其煮咁，亦冇配菜，呢度就扣咗分。值得一提既系餐厅配套唔算做得好，嘢饮系茶包冲，环境就一般，原先系向海但就落咗窗帘影响透光，门口亦有设计灾难级既大字报墙纸同怪异既灯光，令到成个体验downgrade 咗，希望餐厅可以改善吓啦。