海港酒家

营业中

休息中

Boxing day出黎睇下戏，睇完去左饮茶，拣左始创的海港。两点几黎到，要等位，张飞系G8，呢个号码真系…😅开左壶普洱，茶味认真差，得个苦字无茶香😂⭐香煎萝卜糕无乜萝卜丝同腊味，个糕本身又无调味，好彩攞左碟辣椒酱。⭐葱花炸两肠由三条肠粉变成六粒，缩晒水。有两粒油炸鬼脆，其他啲好淋，ok啦。⭐蟹籽烧卖皇卖相虽然唔靓，但味道正常。⭐香芋烧腩卷芋头够粉腩肉大件，甜甜地都几好味。⭐上海小笼包见枱枱都叫以为有咩出名嘢，点知又系蒸到干晒身嘅小笼包。⭐腊肠鸡粒饭啲饭蒸都一pat咁，腊肠同鸡粒都无味，完全唔掂。点心质素below average，胜在张枱几濶几好坐啦。