餃掂手工餃子雲吞專門店

今日做完检查，朋友见我冇咩胃口就带我去食饺子，试下啲新口味呢间餐厅都唔少人食，仲有唔少游客。我主要食汤饺子，拣左至尊松茸猪肉饺，松茸味非常突出，而且佢嘅汤亦都系用料十足，饮落去鱼嘅味道非常浓郁但系又唔会觉得腥，味道香甜。饺子亦都非常足料，满满嘅猪肉同埋松茸，口感同味道一流！松茸做馅唔系咁多地方有得食，真系好味又特别，推介！另外龙凤松茸生煎饺，亦都系值得推荐，黑白松露作馅，好食到不得了，煎饺皮脆肉嫩，金黄色外皮睇到都流晒口水！馅料满满，香气迫人！2者比较我更爱此款。食完饺子再饮杯蜂蜜柠檬薏米水，解解滞，清新润喉！