常溫

营业中

休息中

位于新蒲岗嘅常温，一直以嚟都系以拿破仑闻名，甚至被评为区内名物😯我平时完全唔会买呢款甜品食，一于就睇下佢可唔可以惊艳到我😎除咗有一件件散装($29)，仲可以原个蛋糕咁买🎂咬落去真系好酥脆，但唔会自己断开晒，食落所有嘢好似融为一体，好快就吞咗落肚，唔会黐牙或者浆住过口👍🏻平时食西饼最怕唔够忌廉会好干，但呢件拿破仑完全冇呢个问题，不过冇试过其他饼店嘅出品所以好难做比较，但至少我食完会觉得几满足、又唔heavy😆喺店主嘅热烈推荐下，我仲买咗个黑糖果仁挞($32)，佢话某啲果仁买返嚟都要成千蚊斤，所以系真材实料🙈我自己平时都会食碧根果仁，所以对于呢个甜品都有些少要求😛由于表面淋咗啲糖浆，反而令到果仁冇咗𠮶种脆脆哋嘅口感，亦都盖过咗佢本身焗完会有嘅香味，不过唔用糖浆又的确好难啲佢哋黐埋🤔至于批底我就略嫌太厚，同果仁嘅比例有啲不均，拿破仑真系出错太多🤣